...tala bara íslensku góda..

www.blog.central.is/gurryth

2006-10-28T13:32:00.000-07:00

Ekki skemmtilegt...

2006-10-28T10:09:00.000-07:00

Hæbb, er búin að reyna og reyna að pósta inn hér og ég gefst upp.
Ætla að færa mig á www.blog.central.is/gurryth

Lifið heil og góðar stundir....

Breyttir tímar og nýtt líf

2006-03-18T03:11:00.000-08:00

Mikið breyst frá síðasta bloggi. Búin að lifa í hálfgerðri bómull síðustu daga á Landspítalanum og Sjúkrahúsi Suðurnesja, en ákváðum að láta reyna á okkur sjálf í gær og fórum heim í kyrrðina.
Litli keisaraprinsinn okkar kom í heiminn 7:16 mánudaginn 13.mars......og hann er yndislegur.....

blogga þegar ég get :)

Mamman

Er ekki kominn tími

2006-02-28T08:29:00.000-08:00

á smá fréttir, engar fréttir eru víst góðar fréttir hehe..

Allt með kyrrum kjörum á bænum. "Einar" fer alveg að verða atvinnulaus eftir að hin vinnukonan fór að komast í samt lag, smá eftir í land en er allt á uppleið sem betur fer! Við krílið höfum það bara fínt, heima í rólegheitunum og nú er búið að banna mér að gera nokkurn skapaðan hlut, hef rétt svo klósettleyfi en það er eiginlega allt of sumt :/ Kom ekki nógu vel út úr skoðun í gær svo ég verð að taka því extra rólega ef ég vil ekki vera lögð inn þangað til marsbúanum þóknast að láta sjá sig. En maður getur nú ekki hangið endalaust í rúminu svo ég sit líka og ligg í stofunni, þar er jú imbinn til afþreyingar en ekki í seddniberginu. Átti að fara í mónitor í gærkvöldi en greinilega fæðingardeildin bissý því ég sat bara og horfði á uppáhaldsþáttinn minn. Það er vonandi að þær hringi í dag, á víst að fara 2svar í mónitor þessa vikuna og aftur í skoðun núna á fimmtudaginn :/ Þetta er nú meira vesenið að ganga með svona unga en hvað leggur maður ekki á sig fyrir greyið.
Hulda sys kom í heimsókn í dag okkur til ánægju og yndisauka, með nokkra DVD með sér svo maður hafi eitthvað fyrir stafni. Hún var nú bara á hraðferð, er alltaf í ræktinni stelpuskjátan, meiri pæjan......ef hún heldur svona áfram þá hverfur hún einn daginn hehehe, eigið þið ekki einhvern góðan gæja fyrir hana? Nei segi svona......ég er ekkert að reyna að koma þér út heheh.

Eníveis...blogga þegar ég nenni....

Við "Einar" heilsum

2006-02-21T06:02:00.000-08:00

Fínt að frétta úr Kebblawickcity.

Ég er ennþá með (geð)heilsuna í lagi, fengum frænda í heimsókn í gær sem er svona tölvugúru og hann gat fixað alla gallana sem viðhaldið mitt hefur. Allt annað líf að kíkja á netið núna. Gengur allt miklu hraðar fyrir sig og ekkert frost í gangi lengur. Tók hann að vísu ca klukkutíma að hreinsa út og taka til....en það geri bara fullt gagn í staðinn húrra fyrir því.
Vorum í skoðun í gær sem leit vel út.....ljósan væri reyndar alveg til í að krílið færi bara að kíkja, finnst mamman eitthvað þreytuleg, en það hefur bara stafað af því að ég var eiginlega nývöknuð þegar við fórum af stað. Var sett í vaxtarsónar, aftur, til að tékka hvort risinn væri orðinn ennþá stærri, en nei, hann er bara svona meðal stór. Gæti verið á bilinu 15-17 merkur við fæðingu, og það hafa nú fæðst stærri börn en það, sagði doktorinn :)

Framkvæmdir ganga, alltaf í boltanum er þahggi...en meira verður ekki sagt um það......skilst það verði eitthvað skurk tekið í kvöld, það er ef eiginmaðurinn getur haldið sér vakandi eitthvað fram eftir fréttir hehehe.....

Later....

2006-02-21T05:47:00.000-08:00

You Are Marge Simpson

You're a devoted family member who loves unconditionally.

Sometimes, though, you dream about living a wild secret life!

You will be remembered for: your good cooking and evading the police

Your life philosophy: "You should listen to your heart, and not the voices in your head."

The Simpsons Personality Test

Lilli aumingi, reyndar ekki með permanet...

2006-02-17T06:36:00.000-08:00

Já það má með sanni segja að maður sé algjör lilli au þessa dagana :/
Tókst svona snilldarlega að fljúga á hausinn, by the way á jafnsléttu á fallegum degi...ekki spyrja mig hvernig ég fór að því því ég hef ekki huuugmynd. Sem betur fer var eiginmaðurinn með mér auk þess sem nokkrir fjallmyndarlegir herramenn komu ófrísku konunni til hjálpar. Sjálfur bæjarstjórinn vék ekki frá okkur fyrr en ég var orðin örugg inni í bíl aftur og á leið á sjúkrahúsið aftur. Var nýkomin úr mæðraskoðun á leið með vottorðið mitt á bæjarskrifstofuna, þar sem ég er formlega hætt að vinna og þetta var bara dagur 1 í orlofi. En ég mátti drusla mér aftur á sjúkrahúsið þar sem ég var sett í alls konar próf til að tékka á að litla krúttið hefði það sem best og að ekkert hafi komið fyrir það. Sjálf má ég þakka fyrir að vera bara marin hér og þar en með hálfónýta hendi. Brotnaði sem betur fer ekki en ég bar fyrir mig annan olnbogann í fallinu, betra heldur en að lenda beint á bumbubúanum. En ég kvarta svo sem ekki, hendin er öll að koma til þó svo ég geti lítið notað hana að ráði. Vona bara að krílið komi ekkert fyrr en mamman er orðin góð.
Fórum á foreldranámsk. í vikunni og það var nú barasta mjög merkilegt fannst okkur. Við vorum nú ekki mörg en það var stelpuskott þarna varla eldri en 15 ára ásamt mömmu sinni og þegar við fengum að sjá myndbandið um vatnsfæðingu fannst henni það ógeðslegt og vildi hætta við. En þá sagði ljósan sem hélt námskeiðið tja, það þarf nú að hugsa um það áður en börnin eru búin til. Vaaahaha ég átti alveg bágt með mig og mamman var ljósunni svo innilega sammála!!!

Jæja ágætisframmistaða, miðaða við að allt sé gert með "Einari" hendi.
Við "Einar" kveðjum í bili og eigið skemmtilega Júróvísíón helgi.............

"Til hamingju Ísland með að ég fæddist hér"...

Testing, vonntúþrí...

2006-02-12T12:15:00.000-08:00

Tékkum hvort þetta gangi :)

Kellan hætt að vinna....úff hvernig á ég að láta dagana líða núna án þess að fara að þrífa rykið og draslið hérna heima.....oh well kemur í ljós.
En þetta leggst bara vel í mig og ég held að þetta verði kærkomin hvíld fyrir okkur bæði mig og krílið. Margt að spá og sbögglera áður en marsbúinn lítur dagsins ljós svo sem svo ég hef nóg að dunda mér þangað til.

Janus minn, Friends væri vel þegið ef þú átt leið á Suðurnesin, en ekkert möst, en ég lýsi en og aftur eftir Sex and the City seríunni....langar æðislega mikið til að sjá hana.....

Blogga eins og ég get og nenni.....

Nammi namm

2006-02-10T00:49:00.000-08:00

Snickers

Nutty and gooey - you always satisfy.

What Kind of Candy Are You?

Helvítis helvíti...

2006-02-08T03:14:00.000-08:00

Veit maður má ekki segja svona ljótt....en þetta er bloggtilraun númer ábyggilega 50!!!
Held ég verði að játa að það er vírus í tölvunni heima :/ svo ég geri eina tilraun enn....svara kallinu frá Janusi enda langt síðan síðasta blogg var sett inn...

Eníveis.....framkvæmdir ganga rosa vel, litli fangaklefinn er horfinn og í staðinn á ég risa stóran gang og gat í gólfinu þar sem framtíðarstiginn er áætlaður að komi. Var rekin að heiman á föstudaginn meðan allt þetta stóð yfir og notaði tækifærið og keypti það sem eftir var, svo núna þarf ég vonandi ekki að fara í búð nema til að kaupa svona bleyjur og dótarí vaahaha, en asnalegt. Átti alveg sérdeilis skemmtilegan dag í Borginni. Stóra sys rak litlu sys heldur betur áfram á milli staðanna :) nei kannski ekki alveg en þetta var stórfínt alveg....

Bumbudótarí gengu ágætlega, við erum alveg hress en ekki alveg nógu spræk kannski. Ljósan lét mig fara í 50% vinnu sem ég er búin að vera í í 2 vikur...sem er bara alveg ágæt þegar maður venst því. En svo held ég bara áfram að koma ekki nógu vel út úr skoðunum þannig að nú er farið að ræða hættutíma. Held að við krílið höfum gott af því, að vera heima bara í rólegheitunum þangað til því sýnist það geta mætt á staðinn. Fer aftur í skoðun næsta föstudag og þá kemur meira í ljós.....

Læt þetta gott heita í bili, er með nema á öxlinni þar til ég hætti á daginn og ætli það sé ekki best að fara að sinna henni hehe.

Later...

Ps. er einhver sem gæti lánað mér Sex and the City seríuna sína má hinn sami hafa samband, svo ég drukkni ekki úr leiðindum þegar ég hætti að vinna .....

Þessi er doddi góður....

2006-01-24T03:50:00.000-08:00

Heilladísin sagði við gift par : Þar sem þið hafi verið hamingjusamlega gift
í 35 ár ætla ég að veita ykkur hvoru eina ósk.
Eiginkonan sagði: Ég vil fara í heimsreisu ásamt mínum ástkæra eiginmanni.
Heilladísin veifaði sprotanum sínum og AKABRADABRA það birtust tveir
farseðlar með það sama.
Nú var komið að manninum og hann hugsaði sig um í smá tíma og sagði svo ,
tja þetta er nú rómantísk stund en svona tækifæri gefst bara einu sinni á
æfinni,............. því miður mín kæra, mín ósk er að eiga konu sem er 30
árum yngri en ég. Konan varð að vonum skúffuð en ósk er ósk.
Heilladísin veifaði töfrasprotanum.......................og
AKABRADABRA..........
maðurinn varð 90 ára með það sama.
Karlmenn eru kannski svolítil svín, en
heilladísir................................ eru konur.

2006-01-19T00:44:00.000-08:00

Your Birthdate: January 17

You tend to find yourself lucky - both in business and in life.
And while being wealthy is nice, you enjoy sharing your abundance with others.
You put your luck to good use: you are very ambitious and goal oriented.
Often times, you get over excited and take on more than you can manage.

Your strength: Your ability to make your own luck

Your weakness: Thinking you can do it all

Your power color: Bronze

Your power symbol: Half Moon

Your power month: August

What Does Your Birth Date Mean?

Þá er komið að því.....

2006-01-17T00:33:00.000-08:00

enn eitt árið skollið á og næsti tugur nálgast eins og óð fluga :)
Ekki það að mér þyki það neitt slæm tilhugsun, alls ekki, það er frekar að manni finnst maður ekkert vera svona gamall. En tölur á blaði segja víst ekki allt. Það er helst að eiginmanninum líki ekki við sínar tölur sem slettust á hann nótt á meðan hann svaf :Þ

Lag dagsins sem sönglar í hausnum á mér er:

Við eigum afmæl´í dag
við eigum afmæl´í dag
við eigum afmæli bæði
við eigum afmæl´í dag.........

Later....

Lasarus......

2006-01-11T05:37:00.000-08:00

Ég er svo vitlaus að ég held alltaf að þegar eiginmaðurinn veikist og ég er ekki orðin veik nokkrum dögum seinna þá sleppi ég, en ó nei aldeilis ekki.......
Er búin að eyða gærdeginum og hálfum deginum í dag í bælinu.....ömurlegt, en ég held mér hafi bara ekkert veitt af hvíldinni, liggja heima og sofa. Held annars að öll hvíld sé kærkomin þegar maður fer að þyngjast meira um sig miðjan. Var mikið að spá í gær hvort krakkakúlan væri hreinlega að leita af útgönguleiðinni. Hefur varla verið hvíld fyrir spörkum og þvílíkum kollhnísum þessa tvo daga, reyndar svoldið fyndið að finna fyrir svona, en öllu má nú ofgera :)
Ég er öll að hressast og sést það best á að þvottahrúgan í skúffunni hefur minnkað en staflinn í skápnum er óðum að hækka í staðinn.
Framkvæmdir ganga, hægt, en ganga þó. Margt búið að gera en að sjálfsögðu er mikið eftir. Enn á eftir að brjóta vegginn sem þarf að fjúka og byrja á lagnaveseni fyrir nýja baðið, en ég er bjartsýn. Þetta skotgengur þegar loksins gefst tími til að fá þá hjálp sem við eigum von á. Hef fulla trú á að þetta gangi upp fljótlega.
Var að stússast í fæðingarorlofsumsókn í gær og omg þetta er bara alveg að bresta á. Ég á bara eftir að vinna í 4 vikur og þá er ég komin í laaaangt frí frá vinnu en í skemmtilegri vinnu í staðinn. Ég held að það sé fátt skemmtilegra að hugsa um lítinn ósjálfbjarga unga og ég hlakka bara til að takast á við þetta nýja hlutverk. Enda eigum við eftir að eiga fullkomnasta barn í heimi, ekkert vesen, sefur allar nætur og er algjör draumabarn hehehe, það á nú eftir að koma í ljós, en það kostar ekkert að láta sig dreyma er það nokkuð?

Lasarus kveður, í bili....

Óþarfi

2006-01-06T03:50:00.000-08:00

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin af mér?
5. Langar þig að kyssa mig?
6. Láttu mig hafa gælunafn og útskýrðu af hverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkirðu mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlarðu að setja þetta á bloggið þitt svo ég geti skrifað um þig?

Er svo andlaus ég er að farast......hvernig er það er þessi leikur aðal málið í dag....? Maður opnar varla bloggsíðu án þess að finna þetta þar og auðvitað verð ég að herma ;)
Helgi framundan með heljarinnar vinnu, í kjallaranum dúa í kjallarnum dúa.....mála og sparsla og skemmtilegheit, kannski það verði flugeldasýning í kvöld hver veit, nema b o b-urnar fjúki bara út í rass og rófu....

Later

Ready, steady...gooooo!

2005-12-29T01:06:00.000-08:00

Má segja að framkvæmdir séu formlega hafnar..!!!!
Eiginmaðurinn og ma og pa sameinuðust í gær og rifu gólfefnin af framtíðarsvefnherberginu okkar á neðri hæðinni og lyktin batnaði um heilan helling í kjallaranum...!!!!!! það var líka þvílíkt sem blasti við, undir parketinu var ógeðslegt filtteppi. Drulluskítugt og illalyktandi....svo fauk það og þá kom bara dúkur undan því...svo gamall og lúinn að það varð svoldið mikið eftir af honum á gólfinu, en þá er bara að ná sér í góðar sköfur og skafa drulluna í burtu. Reyndar er ennþá dót þarna inni frá tengdó, en þetta kannski ýtir á þau að drífa sig að tæma nú þegar þau sjá að þau eru orðin doddi mikið fyrir okkur :) Enginn miskunn hjá Magnúsi, nósörí....! Gólfefnin fuku á mettíma út enda var eiginmaðurinn búinn að tæma herbergið fyrir matinn og svo var stefnan tekin á flugeldasýninguna árlegu hjá Björgunarsveitinni hér í Kebblawickcity. Ca 20 mín eftir að verkið hófst var allt draslið komið út í geymslu, þangað til við fáum kerru til að henda þessu á haugana :) brunað á flugeldasýningu sem byrjaði um leið og við lögðum bílnum uppi á Flugvallarvegi.....geri aðrir betur, hehehe
Pabbi kom með fiskinn okkar sem við versluðum um daginn og við elduðum þessa líka dýrindis ýsu í kvöldmatinn.....vantaði kannski smá meðlæti með henni....en hei...góð engu að síður eftir allt þetta kjötát undanfarna daga.

Áttum annars hin bestu jól, síðustu barnlausu jólin, eins og einhver sagði. Þau næstu verða heldur betur fjörugri, litlir puttar að toga í dúkinn og svona skemmtilegheit....en það verður bara gaman....Fengum fullt af flottum og nytsamlegum gjöfum. Ég gaf eiginmanninum föt, sem hann myndi aldrei kaupa sér sjálfur, nebbla flottar flauelsbuxur sem hann kallar afabuxur....en hann hefur bara varla farið úr þeim eftir að hafa mátað þær á öðrum degi jóla. Þvílíkur sigur, að koma honum í eitthvað sem hann hefur ekki einu sinni fengist til að máta :) Grimmhildur vann þessa lotuna....enda hef ég ekkert pínt hann meira :Þ Hann gaf mér hins vegar alveg gullfallegt hálsmen. Er alveg í stíl við hringinn sem ég fékk í morgungjöf í sumar og það hefur bara ekki farið af hálsinum síðan það var sett upp á aðfangadagskvöld. Hann er smekkmaður, eiginmaðurinn....!

Reikna svo með að vera í Borginni yfir áramótin með familíunni minni en svo verður haldið í árlegt áramótapartý hjá bróður tengdapabba, algjörlega ómissandi viðburður þar á ferðinni....
Farið þið varlega í fragetturnar dúllurassarnir mínir og megið þið eiga gleðileg áramót...það ætla ég allavegana að gera :)

HAPPY NEW YEAR....

Kæru ættingjar, vinir og aðrir sem ramba hingað inn...

2005-12-23T01:00:00.000-08:00

Óska ykkur öllum Gleðilegra jóla og gæfuríks komandi árs.
Megi nýja árið færa ykkur gleði og hamingju með hækkandi sól.....

Jólakveðja,
Gurrý, eiginmaðurinn og litla krúttið.....

Allt að gerast.....

2005-12-19T03:54:00.000-08:00

Allú allú.....

Allt að gerast á bænum síðast liðna helgina.....
Eiginmaðurinn ekkert heima, var í parketlögn hjá foreldrum sínum, gekk ekkert voðalega vel, uppgötvaðist rosa skekkja í gólfinu en þeir feðgar náðu að redda því fyrir horn okkur til ómældrar gleði og ánægju. Við erum nefnilega orðin aftur bara tvö í kotinu okkar...!!!!! Vúhú, aldrei datt mér í hug að þessi dagur myndi líta dagsins ljós, en jú viti menn, þetta varð að raunveruleika í gær. Þannig að nú getum við farið að einbeita okkur að breytingum og tiltekt á kofanum. Mín gerði ekkert meðan eiginmaðurinn var í parketlögn og kom líka svona glimmrandi vel út úr mæðraskoðun í morgun, enginn bjúgur og þarf af leiðandi vigtin í betra ásigkomulagi heldur en áður, vúhú fyrir því! Bara legið í leti og sofið og horft imbann og kíkti smávegis í tölvuna...

Leiðindi dagsins: Einhver hugulsamur samstarfsmaður fór í Drift í Hafnarfirði þar sem maður getur keypt lakkrísafklippur á spottprís og setti í skálar í matsalnum.....nú þarf ég að beita öllum hugsanlegum ráðum til að forðast matsalinn til jóla. Hluti af jólanamminu sem verður ekki keyptur í ár, en djöf...er erfitt að standast svona freistingar...ég segi ekki annað....en það koma jól eftir þessi jól og þá má mann borða svona óhollustu aftur... :Þ

Ég las í Tímariti Morgunblaðsins dáldið fróðlega setningu: Jólin koma ekki í formi hamborgarhryggs eða jólagjafa eða skrautsins......þú berð þau innra með þér og getur kallað þau upp við hinar ýmsustu aðstæður.....oh well, ég held þá bara áfram að leita......

Later....

2005-12-14T05:00:00.000-08:00

Samkvæmt kaffiprófinu er ég
Svart te!
.. þótt það hljómi furðulega.
Hvernig kaffi ert þú eiginlega?

Te!
Þú ert greinilega að taka vitlaust próf, þú átt engan veginn heima hér í kaffiprófinu. Verandi te ertu þó traustur einstaklingur sem bregst ekki vinum þótt lífið liggi við.
Þú ert svart te í vel heitu vatni.

Einn fyndinn

2005-12-14T01:23:00.000-08:00

Laust eftir jólin stóð mamma í eldhúsinu og hlustaði á son sinn leika
sér frammi í stofu af rafmagnslesinni sem hann fékk í jólagjöf. Þegar
lestin nam staðar gall við í syninum: ,,Þið hálfvitarnir sem viljið
fara út hér, drullið ykkur út strax því þetta er síðasta stopp! Og þið
þarna hálvitar sem eruð að koma um borð, drullið ykkur inn því við
erum að fara af stað".
Mamman varð alveg æf og öskraði á drenginn: ,,Svona orðbragð er ekki
liðið hér drengur minn! Nú verð þú inn í herbergi og verður þar í 2
tíma. Eftir það máttu leika þér að lestinni, en þá verðuru líka að tala fallega."
Tveim tímum seinna kemur drengurinn fram og byrjaði að leika sér að lestinni.
Mamman hlustaði innan úr eldhúsinu. Þegar lestin nam staðar sagði
sonurinn:
,,Allir farþegar sem fara hér út eru vinsamlega beðnir um að taka
allan farangur með sér. Við vonum að ferðin hafi verið ánæguleg og
þökkum ykkur fyrir að ferðast með okkur. Vonandi sjáumst við aftur." Og hann hélt
áfram: ,,Við biðjum farþega sem eru að koma um borð að setja allan farangur undir sætin fyrir framan sig. Munið að reykingar eru ekki leyfðar um borð í lestinni. Við vonum að
þið njótið ferðarinnar með okkur í dag."
Bros færðist yfir mömmuna, En drengurinn bætir við; ,, Þeir farþegar
sem vilja gera athugasemd við þessa TVEGGJA KLUKKUTÍMA töf, eru
vinsamlegast beðnir um að tala við tæfuna frammi í eldhúsi."

Ta ta raaaammm

2005-12-14T00:43:00.000-08:00

og það var bara einn lítill strumpur eða strympa!!!!

Hress og sprækur marsbúi sem lék listir eins og hann hafði pláss til og allir voða hressir með það. Doksinn skildi ekkert þessar áhyggjur ljósunnar þar sem ekki var einu sinni hægt að sjá það að þetta væri risabarn, bara passlega stórt miðað við meðgöngulengd. En þetta var bara gaman, fá að sjá krílið í smá stund, gerði þetta allt mikið raunverulegra eitthvað....

Skreyttum örlítið meira heima í gær og það kemur bara rosa vel út verð ég að segja. Vorum úti í leiðindaúða og roki að festa ljós á bílskúrinn þannig að innkeyrslan okkar virkar ekki eins drungaleg og áður :Þ Annars styttist í að húsið okkar tæmist og mikið verður gaman þá, gaman þá, ákaflega gaman þá.....hehehe.....

Vá bara dugleg, tvær færslur í vikunni :Þ ...... later

Bráðum koma blessuð jólin....

2005-12-12T03:33:00.000-08:00

... eða er það nokkuð?

Ég er í örvæntingafullri leit af jólunum.
Gerði heiðarlega tilraun til að finna þau um helgina þegar við mæðgurnar allar 4 smelltum okkur á frábæra tónleika Frostrósana í Laugardalshöllinni. Algjör snilld, best fannst mér þó að hinar 3 voru með hjartað í buxunum yfir því að einhver kæmi til okkar og segði okkur í vitlausum sætum :) við sátum á besta stað með alveg frábært útsýni! Þetta var svo flott og svooo gaman, ég var mest fúl yfir því að fá BARA eitt aukalag, en topplagið þeirra engu að síður "Hugurinn fer, hærra" var alveg óendanlega flott hjá þeim.
Hélt áfram að leita í gær, keyrðum niður Laugarveginn og skoðuðum í glugga og hlustuðum á lúðraþeytara spila jólalög af kappi í rigningunni, en allt kom fyrir ekki :/ hvorki ég né eiginmaðurinn gátum fundið nokkra jólastemmingu. Það kemur kannski þegar húsið okkar er orðið tómt og allir fluttir út, við orðin ein í kotinu aftur, þá kannski kemur jólaandinn yfir okkur aftur.

Allt fínt í fréttum annars. Glæsivagn marsbúans kemur til landsins næsta mánudag þegar Danska heimsveldið kemur til að dvelja yfir jól og áramót hjá tengdó. Hlökkum svoldið mikið til að sjá þar sem valið fór fram á netinu og í gegnum sms hjá mér og mágkonu minni sem sá um glæsivagnakaupin :) Annars er merkilegur dagur í dag hjá okkur marsbúanum.....við erum á leið í vaxtarsónar, sem væri ekki til merkilegrar frásagnar ef ekki væri fyrir það að það á að leita af hinum marsbúanum. Jámm staðan er þannig í dag gott fólk að það gæti leynst annar einstaklingur þarna inni einhversstaðar og það á að freista þess að finna hann í dag. Nú ef það reynist ekki þá verður þetta riiiisabarn. Hvernig sem þetta er allt mælt og skoðað og pælt þá verður þetta afskaplega forvitnilegt að vita. Allflestir veðja nú á annan bumbubúa en við erum alveg pollróleg yfir þessu. Það væri nú samt dáldið týpískt fyrir mig að fá tvö, báðar systurnar "sloppnar" og að loksins þegar ég fari af stað þá verði þau tvö :) en við hverju er að búast þegar móðurafinn er tvíburi og föðurlangamman líka.....þá eru líkurnar nú ansi miklar myndi ég halda :Þ en ég lofa að láta vita hvort sem verður.....

Later.....

Svo sæt.....

2005-12-02T03:47:00.000-08:00

Maður nokkur refsaði 3ja ára gamalli dóttur sinni fyrir það að eyða heilli rúllu af gylltum pappír. Ekki var mikið til af peningum og reiddist hann þegar barnið reyndi að skreyta lítið box til að setja undir jólatréð.

Engu að síður færði litla stúlkan föður sínum boxið á jóladagsmorgun og sagði: "Þetta er handa þér pabbi". Við þetta skammaðist faðir stúlkunnar sín fyrir viðbrögð sín daginn áður. En reiði hans gaus upp aftur þegar hann áttaði sig á því að boxið var tómt. Hann kallaði til dóttur sinnnar, "veistu ekki að þegar þú gefur einhverjum gjöf, þá á eitthvað að vera í henni?"

Litla stúlkan leit upp til pabba síns með tárin í augunum og sagði: "Ó pabbi boxið er ekki tómt. Ég blés fullt af kossum í það. Bara fyrir þig pabbi." Faðirinn varð miður sín. Hann tók utan um litlu stúlkuna sína og bað hana að fyrirgefa sér.

Það er sagt að mörgum árum seinna, þegar faðir stúlkunnar lést, og hún fór í gegnum eigur hans hafi hún fundið gyllta boxið frá því á jólunum forðum við rúmstokkinn hans, þar hafði hann haft það alla tíð; þegar honum leið ekki vel gat hann tekið upp ímyndaðan koss og minnst allrar ástarinnar sem barnið hans hafði gefið honum og sett í boxið.

Í vissum skilningi höfum við allar lifandi mannverur tekið á móti gylltum boxum frá börnunum okkar, fjölskyldum og vinum, fullum af skilyrðislausri ást og kossum. Það getur enginn gefið dýrmætari gjöf.

Í dag skaltu gefa þér augnablik og njóta stórrar handfylli af minningum. Og mundu að þær verma hjarta þitt og bráðna þar, en ekki í höndum þínum

Jólin jólin jólin koma brátt.....

2005-11-28T03:34:00.000-08:00

Jólakransaðist í gær og er bara þokkalega ánægð með útkomuna. Nennti ekki að vefja í ár svo ég skellti bara í forláta skál frá ömmu og afa sem mér áskotnaðist í sumar. Smellti mér í Blómaval og ákvað að breyta til með útlitið. Viggó bakari (lítill frændi eiginmannsins sem heitir reyndar Júlíus Viggó en kallar sig Viggó bakara ?? ) var í heimsókn hjá ömmu sinni og afa og sat hjá mér þegar ég gerði kransinn/skálarklessuna og var mikið að spá og sbögglera í þetta hjá mér og sagði svo að hann fengi ábyggilega ekkert svona fínt þar sem að hann væri ekki ennþá fluttur í nýja húsið, mamma mín og pabbi vinna svo mikið í húsinu að mamma má ekkert vera að því að gera svona fínerí, sagði 4 ára guttinn með vonsvikinni röddu :)
Svo ég leyfði honum að kveikja á fyrsta kertinu sem hann upplýsti mig að héti Spádómskertið og svo söng hann vísuna um 1.kertið sem hann var að læra í leikskólanum :) alveg hreint frábær!
Settum svo aðventuljósin í gluggana og erum að undirbúa seríurnar, eru í peruskoðun :/

Fór á jólahlaðborð í Skíðaskálann á föstudaginn með vinnunni og það var bara mjög fínt. Þetta var svona hálfgerð óvissuferð en eini óvissuþátturinn í henni var heimsókn í Nornabúðina á Vesturgötunni í R.vík. Ótrúlega flott búð og ég á sko eftir að fara þangað og kaupa svona eins og eitt stykki FÁVITAFÆLU og SKULDAFÆLU handa systrunum :Þ, ekki veitir víst af hehehe.
Fórum svo í Draugasetrið á Stokkseyri, kom mér virkilega á óvart og þetta er ótrúlega flottur staður. Ekki skemmir að fá sögurnar lesnar af meistara Þór Vigfússyni, hann segir svo hrikalega skemmtilega frá. En það voru nokkur öskur rekin upp og manni brá svoldið á köflum sko.
Kláruðum svo öll jólagjafainnkaup á laugardaginn og erum miiikið fegin að það sé búið þetta árið. Bara eftir að pakka inn og svoleis og svo náttúrlega klára þennan gífurlega bunka af jólakortum sem við sendum þetta árið :/ en það saxast á hann......

Later

Halló skralló.......

2005-11-21T00:41:00.000-08:00

Átti hina allra skemmtilegustu helgi barasta. Fórum í afmæli til pabba labba á laugardaginn, til hamingju með það elsku pabbi minn :) Það kom stórfjölskyldan saman og skemmti sér hið besta.
Ætluðum í jólagjafaleiðangur í leiðinni en omg hvað maður virðist lokast algjörlega innan um allt þetta fólk í Kringlunni og Smáralind. Þar fyrir utan var einhver keppni í gangi og hávaðinn drundi um alla Kringlu :/ svo við gáfumst bara upp og komum okkur þaðan í snarhasti.
Kipptu stóru Sys með í gjafaleiðangur fyrir amfælisbarnið og svo í kaffi til hans.
Skruppum svo aftur í borgarferð í gær og fórum á þessa líka fínu sýningu Hús og híbýla í Höllinni.

Talandi um Höllina; ég er að fara á tónleikana með Dívunum 10.des!!!! Mig er búið að langa í öll skiptin sem þær hafa komið fram en aldrei komist, núna ætlum við mæðgurnar allar 4 að drífa okkur saman......ég á ekki von á miklum vonbrigðum enda eru þetta toppsöngkonur allar með tölu þó ein beri af annarri :)
Ég má til með að lýsa yfir óánægju minni með uppáhalds útvarpsstöðina mína Létt 96.7....hverjum dettur það í hug að byrja að spila jólalög um miðjan nóvember?!? þarf ég virkilega mér til mikillar skelfingar að skipta um og hlusta á BYLGJUNA!!!! þar sem er eilíft mas og leiðinlegir leikir heldur en bara lítið um kjaftæði en fullt af tónlist :/ Kannski ég reyni að þrauka aðeins lengur en hvað sem því líður þá ætla ég ekki að byrja að spila jólalög sjálf fyrr en 1.des og hana nú.....

Óska Ammeríguförunum góðrar ferðar og skemmtunar og ég vildi óska ég væri með í ferðinni, en minn tími mun koma þegar litla krútt verður komið í heiminn og ekki til að halda aftur af mömmu sinni *blikkblikk*

Later....

Dýrð og dásemd....

2005-11-10T00:58:00.000-08:00

Fór á alveg yndislega tónleika í gærkvöldi...vaaáááá....

Páll Óskar og Monika fylltu Duus-hús hér í Kebblawickcity við rosalega góðar undirtektir. Ég hefði svo sem mátt segja mér það að ég hefði þurft að hafa vasaklút við hendina. Hann tók nánast öll mín uppáhaldslög og mín sat bara og vatnaði músum yfir þessum frábæra flutningi, vægast sagt dásamlegir tónleikar. Ábyggilega þess vegna sem ég svaf svona vel í nótt, ég var eitthvað svo afslöppuð og angurvær þegar ég kom heim. Krílið virtist fíla tónleikana vel þar sem það lét finna fyrir sér þennan eina og hálfa tíma sem þeir stóðu yfir. Hefur greinilega svipaðan tónlistarsmekk og mamman :)

Af öðrum vígstöðvum er allt fínt að frétta. Fórum að skoða hús í fyrrakvöld sem okkur leist alveg himinvel á! Ætlum að fá að fara um helgina til að sjá það í björtu, sjá hvernig garðflötin lítur út og svona. En ef þetta kemur vel út þá er aldrei að vita nema við smellum okkur á þetta...meira að segja eiginmanninum leist vel á þetta þannig að hann er heitur fyrir því að selja húskofann og kaupa nýjan. Þetta er líka nýlegt hús eða kannski 10-15 ára gamalt og á góðum og rólegum stað, stutt í vinnuna hjá eiginmanninum og ég get labbað í Blómaval þegar mig vantar eitthvað þaðan :)
Fórum í afmæli síðustu helgi hjá litla stubbinum mínum en kúturinn varð 1 árs á sunnudaginn. Hann var að venju ofsa kátur og skemmtilegur og virtist ekkert kippa sér upp við alla þessa athygli sem hann fékk, en hann var orðinn rosalega þreyttur greyið þegar allir nema við systurnar vorum farnir, lág bara og nuddaði augun og var alveg alveg að sofna :)

Framundan er bara góð helgi sem byrjar á kaffiboði fyrir nokkrar skvísur og jólagjafastússi, ekki nenni ég að rölta Kringluna og Smáralindina á enda í stressinu í desember. Frekar að njóta þess að kíkja á kaffi hús og fá sér heitt kakó og kannski eitthvað gott með því :)

Later....

2005-11-07T06:06:00.000-08:00

Fræðatröll

Þú ert vanafastur, tilfinningaríkur innipúki.
Fræðatröllið er forvitið að eðlisfari og er köllun þess í lífinu að komast að sannleikanum. Fræðatröll má gjarnan finna í dimmum skúmaskotum bókasafna þar sem þau rykfalla og sussa á aðra gesti safnsins. Fræðatröllið klæðist gjarnan flaueli - nema þegar það er í tísku. Hringitónninn í síma þess er stefið úr þættinum Nýjasta tækni og vísindi, sem það grætur stöðugt að sé ekki lengur á dagskrá.

Hvaða tröll ert þú?

Krúttað......

2005-11-04T03:27:00.000-08:00

Gömul þjóðsaga segir frá barni sem var við það að fæðast.

Barnið snýr sér að Guði og segir:
Mér er sagt að ég verði sendur á jörðina á morgun, en hvernig get ég lifað eins lítill og ósjálfbjarga sem ég er?
Ég hef valið engil fyrir þig úr hópi engla og hann bíður eftir þér. Þessi engill mun sjá um þig.

En segðu mér, hérna á himninum geri ég ekkert annað en að syngja og brosa og það er nóg til þess að vera hamingjusamur.
Engillinn þinn kemur til með að syngja fyrir þig, hann brosir til þín alla daga og þú verður umlukinn ást hans og þannig verðurðu hamingjusamur.

En hvernig get ég skilið þegar fólkið talar við mig þar sem ég þekki ekki tungumálið sem mennirnir tala?

Engillinn þinn segir falleg orð við þig, fallegustu orð sem þú hefur nokkur tíma heyrt og með mikilli þolinmæði og kærleik kennir hann þér að tala.

En hvað geri ég ef ég vil tala við þig?
Þá setur engillinn þinn hendurnar þínar saman og kennir þér að biðja.

Ég hef heyrt að á jörðinni séu til vondir menn. Hver getur varið mig?
Engillinn þinn mun verja þig, þó svo það kosti hann lífið.

En ég verð alltaf sorgmæddur því ég sé þig ekki oftar?
Engillinn þinn á eftir að segja þér frá mér og vísa þér veginn í áttina til mín, en þó mun ég alltaf vera við hlið þér.

Á þessu andartaki færðist ró yfir himininn og guðdómlegar raddir heyrðust og barnið sagði:
Kæri Herra, þar sem ég er að fara segðu mér, hvað heitir engillinn minn?

Nafn hans skiptir ekki máli, þú kallar hann bara

,,Mömmu".

blogg blogg blogg

2005-10-27T01:46:00.000-07:00

Andleysi í gangi á bænum.....!

Ég var ábyggilega ein fárra kvenna sem ekki skelltu sér í kraðakið á Ingólfstorgi á kvennafrídaginn. Stóð hins vegar upp og gekk heim á leið kl. 14:08 eins og góðri kvennsu sæmdi.
Kíkti með öðru á útifundinn á RÚV en annars fór þetta nú bara framhjá mér - by gones!

Fengum að líta á erfingjann á þriðjudaginn og okkur til mikillar gleði reyndist allt á sínum stað og allt í fínasta lagi með hann - erfingjann :) Það reyndi eins og það gat að sýna pabbanum að það væri með þessa fínu golfkylfuhendur því sama hvar hún renndi tækinu allsstaðar voru puttar eða hendur á ferðinni :) Spurning um að kaupa vagn/kerru með góðum dekkjum svo eiginmaðurinn geti farið með krílið á golfvöllinn og kennt handtökin, byrja snemma að innprenta góða siði, ekki veitir af hehehe. Fengum fullt af myndum, kannski ekki bestu gæði í heimi en hei við hverju er að búast. Kannski ekki besta tæknin hjá þeim hér í Kebblawickcity.

Já Hulda, mér finnst þú eigir að skipta um *bbbííííbbbb* passa sig að móðga engann sko *blikkblikk* sé þig alveg fyrir mér ofurskutlast á einhverjum af þessum flottu köggum sem eru á götunum í dag, en nei þú færð ekki minn mmuuhahahaha...
Ætlum að leggjast í dytt að húsinu hjá okkur, gera það sætt og fínt og ef af verður að þá vill kannski einhver kaupa það, erum samt að reyna að gera upp við okkur hvað við eigum að gera: SJÚDD Æ STEI OR SJÚDD Æ GÓ....þegar stórt er spurt er fátt um svör, en við erum opin fyrir öllu og höfum varann á eftir einhverju bitastæðu.

Ég veð úr einu í annað og læt móðann mása (segir maður ekki annars svoleis) nýbúin að kvarta yfir andleysi - greinilega ekki svo mikið andleysi.
Við golfarinn og fótboltamaðurinn efnilegi (sem er ein og sama persónan) kveðjum í bili...

Later...

Það er aldeilis....

2005-10-25T08:39:00.000-07:00

Þetta getur maður dundað sér við inni á www.femin.is

Líflínunúmerið þitt er 6

Þú ert ábyrgðarfull(ur) og þér er alltaf umhugað um aðra. Þú ert næm(ur) fyrir þörfum vina þinna og fjölskyldumeðlima. Hjónabandið er líka hátt skrifað á þínum forgangslista. Allt þetta mun hjálpa þér að koma upp þeim trausta grunni sem þú þráir. Þú þarft að læra að gefa fólki ráð og stuðning án þess að taka það of mikið inn á þig!

Spádómsnúmerið þitt er 7

Það er kominn tími til að taka sér frí frá raunveruleikanum. Þig langar kannski til að vera ein(n) með sjálfri/sjálfum þér, slaka á og velta hlutunum fyrir þér. Ekki vera hrædd(ur) við að treysta innsæi þínu núna.

þar hafið þið það...

Sjitt hvað þessi er góður maður...

2005-10-19T04:58:00.000-07:00

Ljóskan var nú orðin hundleið á öllu þessu gríni á allar
ljóskur og ákvað að drekka við lögreglustöð þar sem margir
lögreglumenn voru að gera sig klára fyrir daginn.

Hún fór þar næst upp í bílinn sinn og ók í marga hringi mjög
glannalega og fór þar næst út úr bílnum og gekk ráfandi til
lögreglumannanna.

“jæja, nú er ég búin að drekka og keyra líka, ætlið þið
ekki að handtaka mig?”

“Nei elskan mín, það gerum við ekki,” segir
lögreglumaðurinn og ætlar að ganga í burtu.

“Heyrðu góði,” öskrar ljóskan á lögreglumanninn. “Þú verður
að handtaka mig! Ertu ekki að sinna þinni vinnu?”

“Jú, það er ég að gera mín kæra,” segir lögreglumaðurinn.
“Ég get ekki handtekið þig fyrir að keyra í 30 hringi hér á
planinu og stíga út kolringluð eftir það og svo verður þú
ekki áfengisfull af því drekka Egils Kristal plús!”

hepp tú þrí for, hepp tú þrí for

2005-10-17T07:30:00.000-07:00

Fékk skemmtilega heimsókn frá Stóru sys og syninum á laugardaginn og stefnan var tekin í hið forboðna. Fórum á hausthátíð Varnarliðsins og þetta var nú bara alveg þræláhugavert. Hefðum bara mátt vera miklu fyrr á ferðinni og ákváðum að snúa aftur að ári og á skikkanlegum tíma þar sem það var nánast allt búið þegar við komum þangað uppeftir.
Maður hefði bara þurft að vera með myndavélina með og taka almennilegar myndir af krílunum í risastórri þyrlu og svona skemmtilegheitum. Hittum hinar systurina svikahrappinn og hennar fjölskyldu. Binninn minn þekkti nú alveg Grimmhildi sína þó svo að hún hafi tekið smá breytingum frá því ég krúsaði hann síðast.
Já mikið rétt, frúin skellti sér í ekstrímmeikóver á föstudaginn þar sem ljósan fékk að fjúka fyrir þessa fínu rauðku. Allir sáttir og ég er bara farin að hallast að því að ljóskan hafi ekki verið svo smart þar sem öllum líst betur á rauðkuna :/ en ég er sátt og eiginmaðurinn alsæll.
Skruppum í borgina í gær og ég eyddi hellings péning :/ en þetta voru víst allt nauðsynlegir hlutir og ég get huggað mig við það mmuuhahaha....tókum pabba með í Smáralindina og ég held að hann hafi fílað í tætlur að hafa tengdasoninn í eftirdragi ekki mömmu, þá gat hann skoðað allt sem hann langaði án þess að nokkur skipti sér af því (no offence :Þ)
Fórum á Pizza Hut öll saman (en Stóra sys og sonurinn voru líka með í ferðinni) og það var bara hrikalega gaman hjá okkur :) Ekki oft sem að við eyðum deginum saman nánast stórfjölskyldan!

Áttum annars rólega en góða helgi, hei já best að láta það fylgja að við völdum okkur parket og flísar sem að við ætlum að fara í að kaupa fljótlega og það er bara spennandi að sjá hvernig það verður ...!!

Later

Afmælisbörn dagsins.......

2005-10-13T01:44:00.000-07:00

Elsku systir mín á stórafmæli í dag, eigum við kannski að syngja fyrir hana....hheehhheeemmm....

HÚN Á AFMÆLI Í DAG, HÚN Á AFMÆLI Í DAG, HÚN AFMÆLI HÚN KRISTÍÍÍÍNNN
HÚN Á AFMÆLI Í DAAAAAGGGGGGGGGG.........
*hósthóst* agalegt að vera svona rykugur og nývaknaður :Þ
Svo á hún Elín Ása, klippikonan mín og vinkona líka afmæli í dag.......hipphipphurrei....

Þetta segir Mbl.is um afmælisbörn dagsins:
Dulræn skynjun vogarinnar vísar henni veginn. Snúðu þig út úr erfiðum aðstæðum á meðan kostur er. Ef þú bíður, finnur þú líklega fyrir ónotum í hvert skipti sem síminn hringir.

Einstaklingar fæddir 13. október:
Ashanti, söngkonaWes Brown,
fótboltastjarnaJohn Regis, íþróttamaður
Kelly Preston, leikkona, 52 Pick-Up
Paul Simon, söngvari & lagahöfundur

Hamingju með daginn elskurnar..knús og kossar

Kindin Einar.....

2005-10-08T17:50:00.000-07:00

Þetta er semsagt textinn, ekki sakar að hafa smellinn í eyrunum líka, getur hlustað á www.tonlist.is

Morgunn einn ég hoppa upp í rútuna
með vasa fulla af banana.
Grænum geðþekkum fasana
hafði ég í bítið ælt.
Upp í sveit ég ætlaði að halda hana
í svaka partí með píuna.
En síðan hraktist ég leiðina,
það var klárlega sem við manninn mælt.

Kindin Einar var þá við vegabrúnina
búinn að bíta upp alla túnina.
Fyrir hann var og ég keyrði hann í spað.
Hann sagði da da...
en meinti ba da, verst var það.

Það var komið langt fram að hádegi
og þá hrópaði einn farþegi
að færi ekki lengra ef hann fengi eigi
greyið Einar rúð og skrælt.
Nú ég kvað við, hví ekki á þeim degi
barasta að búta hann strax.
Svo hreinlega velta honum úr deigi,
grilla hann og egg með jafnvel spælt.

Kindin Einar var þá við vegabrúnina
búinn að bíta upp alla túnina.
Fyrir hann var og ég keyrði hann í spað.

Í því bar bóndann á næsta bæ
hann kom til vor og sagði hæ
nei hvað sé ég er þetta kindarhræ
bætti hann við og æfur varð.
Eina kind ég átti hér heima á bæ
sem að ætlaði niðr´að sæ
en núna sposkur ég spranga og hlæ
því nú skuldaru meira en nokkurt sparð

Nei fokk...

2005-10-08T17:36:00.000-07:00

nú fer ég í fýlu..!

Ég var búin að skrifa heila romsu hingað inn og svo bara týnist þetta helv...drasl..!!!!
Arganagargana........oj hvað ég er svekkt....
Ji eins og þetta var hrikalega fyndinn pistill hjá mér eheheh nei djók....

Jæja ollæt þýðir víst ekki að skæla bara hysja upp um sig buxurnar, spíta í lófana og byrja aftur....!
Semsagt fórum í innréttingaleiðangur í dag, létum teikna fyrir okkur innréttingu og hlakka helling til að sjá hvernig hún kemur út, tekur reyndar slatti langan tíma að teikna :/ skil ekki alveg.......þræddum barnavagnamarkaðinn og höldum að við séum komin með niðurstöðu sem auðveldar lífið helling, þvílík flóra af þessu dótaríi sem öll krílabörn verða að eiga til að líða sem allra best...
Föngsjúaðist aðeins með stóru Sys í gær og svei mér þá ef að íbúðin varð ekki bara ljómandi skemmtilega sæt á eftir, vantar bara örlítið grænt súrefni til að setja icing on the cake, skil jú....
Annars er allt ljómandi í fréttum úr Kebblawickcity. Erfinginn er farinn að gera vart við sig með alls konar brölti og skrölti, held reyndar að burðardýrið sé að gera út af við hann með ofhlustun á Kindinni Einari með Hjálmum, en það er þá kominn grunnur af góðu afþreyingarlagi fyrir hann þegar illa stendur á :)

Elsku besti vinur!
Ekki bestu fréttir sem ég hef fengið af þér en ég óska þér alls hins besta á þessari erfiðu stundu í lífi þínu. Ég sendi þér fallegar hugsanir og góða strauma og vona að þú komist í gegnum þetta. Vona og óska af öllu hjarta að þú sjáir þér fært að koma til mín bráðum, það væri svo gott að sjá þig.

Útúrdúr.........

Later

Málæði....eða ekki

2005-09-28T01:40:00.000-07:00

Áttum mjög svo skemmtilega helgi núna síðast (það er svona þegar maður nennir ekki að blogga á sunnudegi eða mánudegi)
Fórum jómfrúarferðina á nýja kagganum til borgarinnar, sem reynist okkur svona hel...vel, við erum alsæl því bíllinn er algjör draumur! Mun betra eintak heldur en sá sem við vorum með í láni enda þessi alveg glæglæ.....
Buðum ma og pa á rúntinn og pa fékk meira að segja að keyra glæsivagninn. Ég held að hann sé mun hrifnari af þessum heldur en sínum eigin hehehe ekki það að sá sé einhver drusla langt frá því. Borðuðum saman ásamt Stóru sys og kúrðum svo á hræðilegasta svefnsófa ever, við erum ennþá að jafna okkur í skrokknum.

Laugardagurinn byrjaði snemma og stefnan tekin til hinnar sys. Hjónin á leiðinni í djammóvissuvinnuferð á Selfoss og einhver þurfti að sjá um litla gæjann þar sem amman og afinn byrjuðu daginn á golfmóti. Litla krúttið, hann var svoldið þreyttur greyið og svangur þegar við komum svo frænkan gaf honum smá að borða og eiginmaðurinn lék við hann til að dreifa athyglinni frá mömmu hans sem mátti ekkert vera að að sinna honum sökum anna að hafa sig til fyrir ferðina miklu. Eftir léttan dúr á svölunum var hann sko heldur betur tilbúinn í slaginn. Við fórum með hann í búðarráp og höfðum hann bara í innkaupakerru í staðinn fyrir að setja hann í flottu kerruna sína og hann var sko alveg að fíla það. Hann var alveg eins og ljós, maður var hálf vandræðalegur svona fyrst því hann hefur fengið sama gen og öll systkini hans, verður að heilsa öllum sem hann sér. Svo inni í Rúmfatalagernum hljómaði "HHHÆÆÆÍÍÍÍ" um alla ganga eehehehe en það var nú bara fyndið. Merkilegt hvað svona lítil og sæt börn fá mikla athygli frá fólki, en Binninn minn var nú alveg að skemmta sér hið besta yfir því hvað fólk talaði mikið við hann :) kannski ekki skrýtið, meira krútt hef ég varla augum litið :)
Svo passaði það að þegar mann var orðinn dáldið þreyttur á frænkunni þá komu amman og afinn til að taka við og ekki var það leiðinlegra. Amma kýldi gæjann út af mat og svo vorum við að skemmta honum við eldhúsborðið, hann hló svo mikið að maturinn kom hálfur upp úr honum aftur. Gaman að þessu.........

Sunnudaginn fórum við svo aftur í bæinn (jámm við höfum ekkert betra að gera en að rúnta þessa dagana :) ) Ætluðum í innréttingaleit en það fór lítið fyrir því þar sem það var ekkert til á þeim stöðum sem við ákváðum að skoða þennan daginn. Fórum því í búðir sem selja alls konar varninga fyrir væntanlegan erfingja og fundum meira af þess konar dótarríi heldur en innréttingunum :/

Allt gengur sinn vanagang hjá okkur, en hei engar fréttir eru góðar fréttir, er það ekki?

Einhver góður vinur klukkaði mig um daginn, ég vissi ekki að það væri svona óskaplega erfitt að finna 5 pointless atriði úr lífi manns en ég skal reyna.

1. Ég nota skó númer 39-40

2. Þegar ég var yngri máttum við Inga frænka ekki hittast þá hlógum við alveg eins og fávitar, bara að sjást var alveg nóg....hvers vegna höfum við ekki hugmynd um í dag......

3. Ég er Nágrannasjúklingur, nenni ekki alveg í helgarpakkann en það er bannað að trufla á milli 17:53 og 18:15 á virkum dögum :)

4. Ég er hræðilega heimakær.

5. Ég er hrakfallabálkur af Guðsnáð.

There, ég klukka Huldukonuna og Svövuna þar sem ég veit að þær hafa ekki klukkast ennþá...!

Later....

Das Auto kommt haute....!

2005-09-20T05:42:00.000-07:00

Ó já, það er komið að því...kære nordiske venner...
glæsikerran kemur í hús í dag og ég má sækja hana fljótlega eftir vinnu...ooohhh ljúfa líf ljúfa líf...
Aldrei að vita nema maður renni sér í Borgina í kvöld í montferð :) eða kannski bara til að sýna pabba sko. Nehh ég á ábyggilega ekki eftir að tíma því hehehe.

Annars allt í orden á þessum bænum. Áttum ljúfa og rólega helgi í faðmi fjölskyldu og vina. Bara þrif og þessháttar skemmileg heit inni á milli. Kom upp sama spurning og í Ungverjalandi fyrir ári, skella sér í helgarferð til Vínar. Kitlar ótrúlega en ég hef ekki trú á að það verði neitt úr því :/ kemur í ljós, ef ég vinn í lottóinu þá kannski..hmm ætli sé þá ekki best að spila með....
Andinn farinn í bili...læt fylgja með ótrúlega fallegan texta af uppáhaldslaginu mínu...

Later!

The falling leaves drift by the window
The autumn leaves of red and gold
I see your lips, the summer kisses
The sun-burned hands I used to hold

Since you went away the days grow long
And soon I’ll hear old winter’s song
But I miss you most of all my darling
When autumn leaves start to fall

Oh, bömmer maður..!

2005-09-16T06:04:00.000-07:00

Ekki fáum við bílinn í þessari viku :(
Frændinn bílasalinn hringdi í eiginmanninn í vikunni og tjáði honum að bíllinn hefði aldrei verið til dökkblár heldur svona ljósbeibíblár, mín var nú ekki alveg að fíla það, en við tókum bara þann lit sem var 1.val hjá okkur sem er steingrár og það er held ég ekkert síðri en hinn. En fyrir vikið þurftum við að bíða þar til í næstu viku eftir honum :/
Það er svo sem í lagi, ég er bara svo svaaaakalega spennt að fá hann og geta farið að krúsa á fjallajeppanum mínum, eða þannig....

Ein helgin enn að skríða í garð og ekkert fyrir stafni annað en að skreppa kannski í borgarferð á morgun, oh væri ljúft ef það væri nú útlandisborgarferð ekki rétt yfir brautina. En eftir því sem ég best veit verður brönsmatarboð í hádeginu á sunnudaginn hjá vinafólki með öðru vinafólki líka, en það kemur í ljós. Ætla allavegana að skreppa í IKEA og eitthvað dúllerí á morgun, kíki kannski við og klíp litla fólkið í fjölskyldunni. En svo er skylda að koma við í Tröllaborgunum....kíkja á foreldrana, engin rosaskylda svosem, bara gaman að hitta þau....sérstaklega þegar pabbilabbi er búinn að vera í burtu á vaktinni.....
Í kvöld er það bara afslappelsi yfir ossborn og kannski maður reyni að halda sér vakandi lengur en til 10.... :/

Later

Hvernig á maður að

2005-09-13T08:39:00.000-07:00

drepa tímann næstu mínúturnar áður en ég fer heim.
Lítið að gera núna og mín alveg að mygla á því. Þarf að fara á eftir að sækja kerruna úr söluskoðun og verður spennandi að heyra hvað verður sett á hann.....! Vonandi eitthvað örlítið meira heldur en 250 þús. vaahaha já það verður ábyggilega töluvert meira.
Annars jámm þá erum við að fara að fá okkur nýjan bíl og vonandi að hann komi til okkar fyrir helgina. Ætlum að fá okkur MMC Outlander jeppling..erum búin að vera með einn í láni síðan á föstudag og við erum alveg heilluð af þessum bíl. Eiginmaðurinn fór í allar holur og alla jeppavegi sem honum datt í hug á sunnudaginn þangað til tengdamamman sagði honum að hætta þessum hossingi, þetta væri engum hollt :) Þá þorði hann nú ekki annað en að hlýða, ég held að hann sé svoldið hræddur við hana. Bíllinn kemur á palli á Heklubíl og við verðum að sækja hann í umboðið, eiginmaðurinn vill helst láta skutla honum bara heim í innkeyrslu og keyra hann þaðan út, en ég er svo viss um að þó þeir byðu upp á þetta að þá færum við aldrei út, myndum ekki tíma að sjá km-mælirinn snúast af stað úr 0 og upp í eitthvað óendanlegt :):)

Later.......

Bombettíbomb....

2005-09-05T04:05:00.000-07:00

Jæja Ljósanóttin búin þetta árið.
Alltaf jafn rosalega gaman, meira samt skemmtilegra í ár þar sem við vorum extra mörg saman, einstaklega góð mæting hjá stórfjölskyldunni ;)
Það var bullað og ruglað í öllum hornum og það var spurning hvort drakk meira af bjórnum, systurnar eða eiginmennirnir af ruglinu að dæma. Að sjálfsögðu var vinningurinn hjá þeim köllunum.
Flugeldasýningin tókst með eindæmum vel og þetta var hreint út sagt GGGEEEÐÐVVEIIKKTT flott! Hefði mátt sleppa þessari músik sem bomburnar köfnuðu í en ég kom þeirri kvörtun á framfæri við formann Ljósanefndarinnar í morgun og það verður lagað að ári!
Ég skoðaði ekkert svo mikið en fylgdist með skemmtilegu atriði frá Landhelgisgæslunni sem var mjög svo vel heppnað (you should have been there) og mótorhjólin sem brunuðu framhjá og röðin náði lllaaannngttt upp á Hafnargötuna og svo fornbílarnir. Reyndi að fara á tónleika og meiri tónleika en það fór lítið fyrir því. Þess í stað skemmti maður sér bara með systrunum og bubbunni og binnanum, fór lítið fyrir hinum gríslingunum þar sem þeir eru ekki lengur í bandi eins og títlurnar :)

Setning helgarinnar er á efa orð móður minnar á Kiðjabergsgolfvellinum í gær og læt fylgja hér með: " Hæ Clint, I waited for you in Keflavík yesterday but you didn´t come."
Þá sagði Clint: " No I know, I was working" Oh, sagði mamman þá
"Can I take a picture of you"

Íhíhí, ég hefði aldrei í lífinu þorað að labba upp að manninum og tala við hann, en þetta afrekaði kellan og fékk að mér skilst þessa fínu mynd af honum og aðra af sér og honum saman....

GERI AÐRIR BETUR!!!!

Howdy partner

2005-08-31T01:44:00.000-07:00

Besti dagurinn í laaangan tíma, svei mér þá ef það er ekki bara að rofa til í þokunni. Mikið held ég að það verði gott í þennan stutta tíma sem það varir að geta aftur farið að vera maður sjálfur í staðinn fyrir að dagarnir líði í hálfgerðri leiðslu.....super.....

Nú er bara framundan The Night of Lights í Smokenosetown, hápunkturinn á sumarlokunum. Merkilegt hvað maður lætur sér hlakka til þessarar einu helgar í heilt ár, kannski af því að þetta lífgar svo mikið upp á bæjarbraginn. Ætli Eastwood og félagar láti sjá sig, tja maður spyr sig. Allavegna hef ég sniffað uppi að þetta verði sú allra svaðalegasta flugeldasýning sem vitað hefur verið um, með hjálp sprengjudeildar Flags of our Fathers. Eeeen það kemur í ljós á laugardagskvöldið. Verður þú þar, það verð ég sko ásamt allri minni fjallafjölskyldu :)

Veit einhver um góðan sumarbústað til útleigu, helst á Norðurlandinu??? Þá má hin sami láta mig vita. Merkilegur andsk.... að á hverju sumri hellist yfir mig einhver svona Norður-fílingur. Verð bara að komast í ferska fjallaloftið við Akureyri og ekki skemmir ef maður gæti séð af svona 2 tímum í Jólagarðinum, maður verður 5 ára all over again. Það væri náttúrlega allra best ef að pabbinn myndi miskuna sig yfir litlu dóttur sína og tékka á ákveðinni íbúð sem við höfum stundum fengið afnot af, ha pabbi, ha...*blikkblikk* ;) En annars var frúin í klippingu í gær og bara þokkalega mikið ánægð með árangurinn......! Ég var búin að ákveða þetta, reyna að halda í síddina eins lengi og ég þyldi eeen svo bara fékk mín nóg og snipp snipp nánast allt farið :) kannski ekki alveg en mér finnst ég þokkaleg skvísa núna skoh hehehe.

Hugur minn í dag liggur hjá því heiðurspari Evu og Gunna sem eru búin að vera inni á Fæðingardeild Landspítalans síðan í gærmorgun að reyna að koma stúlkukrílinu sínu í þennan stórmerkilega heim. Ég er búin að kveikja á öllum kertum sem ég finn hérna hjá mér í afgreiðslunni og vona og óska að litla prinsessan fari nú að skilja þetta er bara alls ekkert svo slæmt sko. Gangi ykkur allt í haginn elsku dúllur og vonandi að litla óskabarnið fari að láta undan þrjóskunni. Maður kannast við svona skvísur sem eru svo bara algjörlega sjálfstæðar í dag og vilja bara alls enga hjálp frá einum eða neinum, labba bara með sundkörfuna um allan klefa meðan mamman og frænkan reyndu að kom henni í skilning að hún yrði að fara í fötin sín annars kæmist hún ekki heim. Úff....en það hófst á endanum.
Jæja var annars að heyra að heiðursparinu fæddist lítil prinsessa klukkan sjö í morgun, guði sé lof fyrir það, að kvelja mömmu sína ekki lengur.

Fjúkk, þetta hafðist maður, smell you later.....!

Hvað skal segja.....

2005-08-04T02:18:00.000-07:00

Sælt veri fólkið.

Einhver þvílík bloggleti hefur átt sér stað undanfarinn mánuð á bænum. Er eitthvað bara svo andlaus og veit ekki hvar skal byrja.
Ekki margt sem hefur drifið á daga hjónanna nýbökuðu nema helst þá að við vorum í Luxembourg um daginn. Sehr schön og alveg frábær vika. Við skruppum til heiðursparsins Elsu og Nonna og gæjans þeirra hans Sváfnis. Rosalega kósý og fínt hjá þeim. Vikan úti var frábært og við fengum alveg æðislegt veður, reyndar litla sól en þurrt og fínt. Síðasta daginn fór hitinn um og yfir 30° og okkur var vægast sagt mjööööög heitt :)
Skruppum í bíltúr með bróður tengdamömmu um Lúx og enduðum í kvöldmat hjá þeim, alveg frábært að hitta þau og þeirra fjölskyldu. Svo buðu systir hans pabba og maðurinn hennar okkur í sætsín um Lúx í tvo daga og enduðum hvort skipti í mat hjá þeim. Það var líka alveg frábært og gaman að hitta öll frændsystkinin sem maður hefur sum ekki séð í 10 ár. Svo hafa fullt af börnum bæst í hópinn sem maður hefur aldrei séð áður og litlu krúttin eru alveg æðisleg :) Alveg synd og skömm að maður hitti ekki þessa fjölskyldu oftar, en við eigum heimboð til þeirra á Am Pratel þannig að það er aldrei að vita nema maður kíki einhvern tímann aftur. Mér fannst alveg frábært að sjá hversu Svanborg og pabbi minn eru hrikalega lík systkin. Ég hafði rosalega gaman af því að sitja bara og horfa og hlusta á hana því það var svo fyndið að sjá pabba svona í henni. Enda er hún bara krútt :)

Verslunarmannahelgin var bara róleg hjá okkur. Við skruppum í Þjórsárdalinn til tengdó með ma og pa og stóru sys. Það var nú bara hellings gaman. Ég varð reyndar fyrir dálitlu sjokki að sjá allt þetta útúrdrukkna fólk skammandi börnin sín fyrir að tala við sig meðan það var að drekka og vera með leiðindi. Sumir greinilega búnir að drekka síðan Guð má vita hvenær og voru alveg ógeðslegir sbr. konan sem hengdi sig á tengdapabba og við urðum liggur við að slíta hana af honum ahahha það var dáldið fyndið, en samt alveg ömurlegt. Áttum bara kósýkvöld í Dalnum og allir fóru glaðir heim :)

Nýja vinnan gengur rosa vel fyrir utan hvað það er lítið að gera en það breytist í næstu viku þegar ég fæ fleiri verkefni og læri á kerfið sem ég á að nota. Ég nýt þess bara á meðan að hafa lítið að gera því það verður ábyggilega mikil keyrsla í allan vetur þegar skólinn er kominn á fullt og fleiri fara að panta tíma hjá hinum og þessum.

Helgin framundan, spurning um að skella sér í GayPride gönguna og sýna sig og sjá aðra. Allavegna var það stefnan hjá systrunum síðast þegar ég vissi.

Well well adios amigos og vonandi að andinn komi yfir mig fljótlega aftur......

Frúarblogg

2005-07-07T07:00:00.000-07:00

Hæ hæ......

Langt síðan maður gaf sér tíma til að rita nokkrar línur. Hér sit ég í nýju vinnunni minni og hef ekkert að gera nema svara í símann og bóka fundi og fleiri skemmtilegheit. Ég fæ ekki að læra neitt meira fyrr en yfirmaðurinn minn kemur úr fríi þannig að allir dagar eru búnir klukkan hálf fjögur hjá mér og afslappelsi bara heima fyrir.

Sl. laugardag var svo stóri dagurinn. Vá hvað það var gaman, ég hefði ekki trúað því fyrir fimm aura að þetta gæti verið svona skemmtilegt. Við byrjuðum daginn á morgunmat og sækja vöndinn og barmblómin og svona fínerí. Fórum svo með blóm á leiðið hjá ömmu míns heittelskaða en hún átti afmæli á brúðkaupsdaginn okkar. Svo var bara verið í hárgreiðslu og förðun og kampavíni og skemmilegheitum. Athöfnin var fín og mín grenjaði bara ekki neitt og ég sem er vön að vera jafn slæm og í jarðarför var bara cool og fílaði mig alveg í tætlur.
Sessý var hrikalega flott og hún söng alveg eins og engill, fólk átti ekki til orð yfir því hvað hún var góð og það kom til mín maður eftir athöfnina sem sagðist hafa hágrátið við sönginn hennar :) gaman af því.

Við fengum fullt af fallegum gjöfum og sendum okkar innilegustu þakkir frá dýpstu hjartarótum fyrir allt sem við fengum. Maður var með kökkinn í hálsinum allan sunnudaginn að taka upp gjafirnar. Vitum reyndar ekki alveg hvar við eigum að koma þessu öllu fyrir en það stendur allt til bóta.......!!

Litli frændinn í Dönskumörkinni var svo skírður á sunnudeginum og fékk hann nafnið Tristan Pálmi, eitthvað sem mömmunni hafði dreymt um lengi að skíra næsta son þessu nafni þar sem hún fékk það ekki þegar stóri bróðir hans fæddist. Allir mjög sáttir við nafnið á gæjanum og hann er sá allra ljúfasti sem ég hef vitað enda ekki skrýtið gæinn ekki nema 4 vikna.
Núna látum við okkur hlakka bara til Lúx-ferðarinnar er það eru bara 2 vikur þangað til, ííííhhhhhaaaa.

Pabbi Óskar kom með alla sína fjölskyldu á mánudaginn var. Ekkert smá gaman að sjá hann eftir langan tíma og sérstaklega frændsystkinin sem við höfum ekki séð í mörg ár. Barnabarn hans er hrædd við pabba, eða afaafa eins og hann er kallaður og Guðbjörgin mín er hrædd við afa Þór sem er samt ekki afi Þór. Þetta er allt við versta mál fyrir blessuð börnin :)

Later

I want to break free

2005-06-28T02:39:00.000-07:00

I vont tú breik fríí...

Í dag er síðasti dagurinn hjá Íslandsbanka......ég var að dásama þetta með sjálfri mér á Reykjanesbrautinni í morgun og mikið djöööff.....úbbs, rosalega verður þetta notalegt. Ekki meira upp í bíl á hverjum morgni og ekki meira upp í bíl í allavegana veðrum og svoleis. Alveg frábært. Samt á ég ábyggilega eftir að sakna nokkurra hér....jaaáá ég held það barasta.

Allt fínt í fréttum. Hitti Elsu og Sváfni í Kringlunni í gær, ég hef ekki séð hana síðan í febrúar...litli maðurinn orðinn risastór og sætur og þeir náðu ekkert smá vel saman hann og minn heittelskaði þannig að ég held að það verði bara fótbolti og skemmtileg heit í Lúx hehehe.

Annars er bara ekkert að frétta. Brillið eftir bara 4 daga og við erum ekkert spennt. Bara smá tilhlökkun en ekkert stress eða læti...

Sett fleiri fréttir inn á næstunni ef tími gefst til.

Later

This is the life

2005-06-22T06:40:00.000-07:00

Í þessu lífi er ég kona, í næsta lífi vil ég verða skógarbjörn!!

Ef þú ert björn færðu að leggjast í dvala. Þú gerir ekkert annað en að sofa í 6 mánuði. Ég gæti lifað með því.

Áður en þú leggst í dvala áttu að troða þig út af mat þangað til þú stendur á gati. Ég gæti líka lifað með því.

Ef þú ert kvenkynsbjörn þá fæðiru ungana þína (sem eru á stærð við hnetur) á meðan þú sefur og þegar þú vaknar ertu komin með stálpuð sjálfbjarga bangsakrútt. Ég gæti sko alveg lifað með því.

Ef þú ert bjarnarmamma þá vita allir að þér er alvara. Þú abbast upp á þá sem abbast upp á ungana þína. Og ef ungarnir þínir eru eitthvað óþægir, þá abbastu upp á þá líka. Ég gæti lifað með þessu.

Ef þú ert björn þá BÝST maki þinn við því að þú vaknir urrandi og hann REIKNAR MEÐ því að þú sért loðinn á leggjunum og með hátt hlutfall líkamsfitu.

Jebb ég ætla að verða skógarbjörn!!!

En gaman

2005-06-19T09:35:00.000-07:00

Sælt veri fólkið......

Átti rosa skemmtilegan dag í gær. Byrjuðum á því að fara og hitta prestinn sem gefur okkur saman og áttu frábæra stund með honum. Hann er alveg meiriháttar þessi maður og ekki skemmir fyrir hvað hann er hriiikalega myndarlegur :Þ Mínum heittelskaða leist meira að segja rosalega vel á hann þó svo að við höfum ekki eytt miklum tíma með honum.
Fórum á eftir til margabarna Sys (no offence hehe) og sleiktum sólina á svölunum hjá henni í dágóðan tíma en þá stakk kallinn af heim og ég var skilin eftir í Fífuselinu þar sem til stóð að "Dúfa" mig eins og ein komst svo skemmtilega að orði. Það var fengið sér smá í eina tásu og þaðan haldið í Tröllaborgir í kokteil og fínerí hjá mamms. Svo lá leiðin í Bláa Lónið þar sem biðu okkar 3 í viðbót og ofan í fórum við. Geeeeðveikt, sólin yfirgaf okkur lítið sem ekkert þann tíma sem við stoppuðum í Lóninu sjálfu. "Dúfan" fékk bláan drykk til að væta kverkarnar ofan í og hinar eitthvað vægara þar sem nánast allir voru á bílnum, tja eða fengu ekki afgreiðslu þar sem þær voru hálf berar, hehehe. Svo fórum við og gerðum okkur sætar og áttum pantað borð á veitingastaðnum. Alveg frábært. Smakkaði humar í fyrsta skipti og ég varð ekki fyrir vonbrigðum, antifiskimanneskjan! Rosalega góður matur og ekki spillti fyrir hinn frábæri félagsskapur þó svo að "Dúfan" hafi nú saknað nokkurra sem komust ekki með.
Langar að senda sérstakt knús og fullt af kossum fyrir óvæntu uppákomuna en það var komið með þennan flotta koteil með kveðju frá einni sem komst ekki........myndirnar sem teknar voru á því andartaki tala sínu máli um geðshræringu brúðarinnar tilvonandi :) Elsa mín þú ert perla!

Ahhh þetta var roosa gaman...einmitt alveg eins og ég hefði kosið það sjálf....mæli frekar með þessu heldur en einhverju svona bulli og rugli þar sem allt endar í tómu tjóni og jafnvel að ekkert brúðkaup verði :/

Jámm það var sólbrennd en sæl "Dúfa" sem lagðist á koddann sinn í nótt eftir mikið skrall hjá einum frænda míns heittelskaða og rosa snúning á Ránni, hinni einu sönnu :)

Takk fyrir mig elsku snúllur........ love you inn að beini...

Afmælisdagur

2005-06-16T01:51:00.000-07:00

Hann á afmæli í dag, hann á afmæli í dag, hann á afmæli hann ARNAR ÞÓR !!!!
hann á afmæli í dag...!!!! Hipp hipp hurrei....
eða eins og hann hefur sungið sjálfur: hamingju með afmælið túda túda hamingju með afmælið túdatúdatei.....hheheh...
Hamingju elsku krúttuköggullinn minn...oh hlakka givvikt að kíkja til þín í kvöld....

Annað afmælisbarn í dag og hann heitir Jón Pálmi í Dönskumörkinni...lítil frændi míns heittelskaða og hann er 5 ára í dag. Hann eignaðist lítinn bróður á sunnudaginn sem er mjög ánægjulegt því að þá kemur litla fjölskyldan í brillið okkar og gæinn verður skírður daginn eftir brúðkaup.

En annars allt fínt í fréttum...fékk alveg frábært símtal í gærkvöldi frá brúðhjónunum sem ætla að gifta sig á undan okkur og þau voru að pæla hvort við gætum slegið saman í blóm eða skreytingar eða bæði fyrir kirkjuna. Mér fannst þetta frábært hef einmitt mikið verið að spá hvort maður ætti að gera eitthvað svoleis en sérstaklega núna fyrst að við yrðum kannski fleiri um þetta. Eiginlega langar hvorugri okkar að hafa eitthvað slaufudæmi í kirkjunni þannig að þetta er spurning með blómin. Við erum báðar með sömu liti í huga þannig að þetta verður ábyggilega ekkert mál og bara skemmtilegra fyrir vikið.

Loksins komst á hreint hvenær ég hætti.....og ég á bara rétt 7 vinnudaga eftir og þá er ég gone with the wind...heim í Kebblawick í smá afslöppun og svona og vinna 4.júlí á nýja staðnum.
Oh þetta verður þvílíkur munur maður, ég held að ég hafi gert mjööög góða hluti með að hafa hætt hér miðað við allar breytingarnar sem framundan eru því þá er allavegana ekki hægt að segja mér upp eða flytja mig um stað eins og gæti orðið með marga í útibúinu mínu.

Hvað gefur maður 12 ára guttum sem vilja helst ekkert annað en tölvuleiki í afmælisgjöf?!? Frænkan er á mótmælaskeiðinu og neitar að gefa tölvuleiki þannig að núna veit mann ekkert hvað á að gefa Arnalíusinum, best að hringja í mömmuna, svona þegar kristilegur tími verður kominn á, held það sé ekki vinsælt að hringja svona rétt um níuleitið hehe. Hún veit hvað gæinn vill annað......

Vona þið eigið ánægjulega laaaanga helgi og gleðilegan 17.júní.....

Later

Niðurtalningin er hafin.....

2005-06-13T04:02:00.000-07:00

Langt síðan síðast!

Nóg að gera svona þessa síðustu vikur fyrir stóra daginn en núna eru víst bara rétt rúmar 2 vikur í þetta. Allt að smella og allt tilbúið nema svona servéttudótarí og hlutir sem ekki er hægt að kaupa fyrr en daginn áður.

Fínt að frétta úr Kebblawickinni...Aðalfréttin þó líklega sú að von bráðar læt ég af störfum hjá Íslandsbanka. Ég er roooosalega fegin að hætta akstrinum á brautinni en ég á eftir að sakna fólksins hérna mikið. Ég vinn nebbla með svo frábæru fólki, tja, svona flestum allavegna :)
ég var svo lukkuleg að Reykjanesbær vill fá mig til sín á bæjarskrifstofuna og ég þarf ekki einu sinni að fara á bíl í vinnuna!! Nýi vinnustaðurinn er nefnilega bara hinum megin við hornið og maður bara röltir sér í arbejten og röltir heim. Best af öllu er að vera komin heim bara 2 mín eftir að ég labba út en þá kannski kemur sú hætta að eitthvað af vinnunni gæti slysast með heim því það er svo helv þægilegt að rúlla ofan af sér í bílnum á leiðinni eftir brautinni. En nei það gerist ekkert mar fer bara í jóga og labbitúra og þá gleymist allt :)
Eitthvað virðist þó ætla að dragast að leyfa mér að hætta hér í bankanum. Ég ætti að vera byrjuð á hinum staðnum en þeir vilja ekki sleppa mér hérna.....skiljanlega hehehe en mér er sagt að ég fái ekki að fara fyrr en ég fer í sumarfrí sem er þá 18.júlí en ekki gott mál þar sem við eigum pantað far til Lúxembourgarfamilíunnar 19.júlí.....en vonandi verður síðasti dagurinn minn hér bara þegar ég fer í þriggjadagafríið fyrir brúðkaup.

En jamm, það er svona helst í fréttum núna....Svo ég segi bara over and out þangað til næst...!!

Framhaldssagan endalaus

2005-05-26T02:26:00.000-07:00

Jæja það kom að því...

Ég sat í mestu makindum að lesa blað inni í stofu í gær og sat þannig að ég sá út á svalirnar. Kom ekki loðna kvikindið í næsta húsi og gerði sig líklegan til að hoppa niður af þakinu og út á svalirnar í vímuna. Minn heittelskaði fór út og stuggaði við honum en hann fór ekkert niður heldur spígsporaði um þakið eins og ekkert væri sjálfsagðara. Minn maður fór upp á háaloft og út um þakgluggann og þá lét hann undan og fór!!!! Ég sá á svipnum á nágranna mínum sem fylgdist með út um eldhúsgluggann sinn að henni var ekki skemmt yfir þessum aðförum kattarins (hún á hann ekki heldur fólkið á neðri hæðinni hjá henni). Svo við gáfumst upp.......fórum út í gærkvöldi og gróðursettum vímugjafann og tjölduðum hæsnaneti í kringum tréð svo það fái frið.....vona að þetta dugi!

Annars var dagurinn bara hinn rólegasti. Er að fá heimsókn í kvöld loksins, við ætlum í salinn að mæla og spá og sbögglera systurnar og kallinn og tveir sætir gaurar.
Ætli það verði ekki bara Dominos veisla á Vatnsnesveginum?!?

Heyrði andartak í Elsu minni í gær og heimsókn númer tvö stendur yfir hjá henni :) Það styttist í að við kíkjum til þeirra eða einungis 8 vikur, jibbí......og alltaf berast fréttir af brúðkaupsgestum sem við áttum ekki von á.....stefnir allt í að þetta verði stærri veisla heldur en við bjuggumst við þar sem nánast allir útlendingarnir ætla að mæta.....omg en ábyggilega BARA gaman :)

Smell u later

Meistarinn

2005-05-25T02:25:00.000-07:00

Minn heittelskaði tók þátt í golfmóti með mömmu og tveimur öðrum á sunnudaginn. Úrkoman var ekkert til að hrópa húrra fyrir og sumir höfðu aldrei séð manninn svona svekktan og fúlan.
Eitthvað sem stuðaði hann svona rosalega að hann gat bara ekki neitt og allt klúðraðist sem hann reyndi að gera. En heldur betur varð vending hjá honum í gær þegar hann tók sig til og sigraði innanfélagsstigamót hjá GS. Fékk að launum þessa líka glæsilegu ECCO golfskó!!!! Það gjörsamlega datt af mér andlitið þegar hann henti skókassanum upp í rúm til mín og sagðist hafa unnið mótið...það var allt annar svipur á honum og gott ef að það tók sig ekki upp gamalt bros í leiðinni þegar hann færði mér fréttirnar. Ég er hrikalega stolt af mínum manni, vonandi að hann hafi hrokkið í gang við þennan árangur og endurheimt sjálfsálitið :) Ekki sakaði að lækka í forgjöf um 0.4 við þetta.

Við erum greinilega ekki hætt "dópsölunni". Ég skrapp út á svalir í gærkvöldi og tók eftir að tréð sem er þar (sem er eins og hitt, á bara eftir að fara ofan í moldina) var eitthvað ræfilslegt. Voru ekki bara 3 illa nagaðar greinar og fullt af hárum í kring. Svo ég fer að skoða svalirnar, nei, þá voru kattarspor á borðinu á svölunum og mold á þakkantinum og kattarspor þar líka...!!!! Helv..aumingjarnir að fatta þetta. Kattarkvikindið hefur farið upp á bílskúrinn hjá nágrannanum, þaðan upp á skúrinn hjá okkur og eitt hopp upp á húsþakið...og ofan á borðið á svölunum og þaðan í sæluvímu......ótrúlegt hvernig þessi dýr fatta hlutina, ég hélt að litla sírenan yrði óhult þarna uppi en nei..

Arkitektinn kom í gær með málbandi sitt...allt mælt í hólf og gólf og ég veit ekki hvað. Miklar pælingar í gangi og allt verður að stemma við raunverulega stærð hússins. Stóðst ótrúlega mikið af mælingum miðað við upplýsingar sem hún hafði frá bænum en sum hús passa bara ekki við þær teikningar. Nú eykst spennan til muna því hún er tilbúin með nokkrar grunnhugmyndir sem hún ætlar að kynna fyrir okkur á næstu dögum..

Ekki nema 6 vikur eftir í stóra daginn !!!

Bullibull

2005-05-19T01:52:00.000-07:00

Ákvað að setja bara eitthvað inn til að sýna smá lit... :)

Eheheh, nei kannski ekki alveg. Lítið á daga mína drifið síðan síðast, SSDD!
Er alltaf að brúðarstússast eitthvað enda nóg að gera í þeim málum, allir hlutir einhvern veginn að smella saman, ótrúlegt, og það á nánast lokasprettinum. Átti skemmtilegt símtal við aðra konuna sem við réðum til að sjá um þjónustuna í salnum í gær. Kom uppúr kafinu að skvísurnar voru staddar á Grikklandi!!! Mín hringdi bara til að staðfesta vinnuna þeirra en þá höfðu þær stöllur skellt sér saman í smá reisu og sátu úti á strönd þegar ég náði sambandi við Inguna. Þetta uppskar mikil hlátrarsköll og í langann tíma sátu þær og flissuðu í símann, nýbúnar að tala um að þær hefðu ekkert heyrt frá okkur og svo hringi ég til Grikklands af öllum stöðum, ég hélt að þær hefðu bara kannski verið úti að keyra, nei þá var þetta sjávarniður í bakgrunninum :) Skemmtilegt....
Fórum í gjafalistaleiðangur síðustu helgi. Guð á himnum hvað þetta er hriiiikalega erfitt. Ég hitti frænku mína og við vorum aðeins að ræða þetta, þá sagði hún mér að systir hennar hefði fengið 3 örbylgjuofna og 50 mismunandi skálar þegar hún gifti sig. Það er kannski ekki svo mikið sniðugt eins og sagan af parinu sem fékk 5 gasgrill!!! Þau tóku út bensín og vörur í 1 og hálft ár upp í hin 4 sem þau skiluðu. Svo það kannski er ekkert svo vitlaust að bara velja eitthvað af þessu sem við sáum og láta vita af því.....Við höfum ekki fengið mörg nei so far, en vissum af nokkrum fyrirfram sem koma ekki en það verður bara að hafa það.

Fengum mjööög svo skemmtilega heimsókn í fyrrakvöld. Það kom til okkar arkitekt sem ætlar að taka það að sér að endurskipuleggja húsið okkar. Jeminn þetta verður ekkert smá gaman. Hún sá alveg fullt af hugmyndum og verður gaman að sjá líka þær sem hún bar ekki á borð fyrir okkur, ætlar að geyma þær þar til síðar, vildi ekki hafa okkur í endalausu sjokki :)
Ég hlakka alveg fullt fullt til að geta byrjað á þessu....!!!

Á von á tveim systrum og litlum hnoðra í kvöld í brillhugmyndaflugsskoðanir eitthvað.. :) það verður þokkalega gaman í húsinu þá..

Later

Bleh...

2005-05-10T02:55:00.000-07:00

Ein alveg á letinni núna...!

Hvar skal byrja...?!?

Búin að moldvarpast fullt heima, fékk ma og pa í heimsókn á lördag og við færðum tré til og frá um garðinn og er sko vægast sagt miiiiiklu flottara að horfa yfir garðinn minn núna. Lokuðum leiðindahorninu sem unglingar Reykjanesbæjar nota sem göngustíg og gerðum viðeigandi ráðstafanir til að hætta dópsölunni :) en við erum með tré hjá okkur sem eiginlega ekkert er eftir af því það virkar víst á ketti á sama hátt og þegar mannfólkið reykir hass svo það er komin ástæða fyrir því að það er ekkert eftir að trénu okkar. Svo er bara spurning hvort það verði ekki bara ráðist í pallinn í sumar þar sem ekki verður hægt að byrja á neinu innan dyra fyrr en eftir áramótin.

Brillið gengur rosa vel að plana. Boðskortin til útlanda fóru í póst í gær og við ætlum að senda innanlands á morgun og skreppa í bíltúr annaðkvöld, rúnta með boðskort um Suðurnesin. Nokkur sem við höfum komið frá okkur þegar fólk droppar í kaffi til okkar :)
Fór á föstudaginn og borgaði kjólinn og þar sem minn heittelskaði var með í för þá mátaði hann sín föt í leiðinni og borgaði bara og allt klappað og klárt á þeim bænum. Verra gengur hjá okkur að finna eitthvað í gjafalistann :( Málið er bara að okkur finnst þetta svo mikið asnalegt að setja saman svona lista þó svo að þetta séu mikil þægindi fyrir gestina. En það er kannski víst bara best að drífa í þessu um helgina svo að það sé hægt að svara fólki einhverju þegar það hringir :/
En það kommer í ljus!

Af öðrum vígstöðvum er allt fínt í fréttum. SSDD = same shit diffirent day fyrir þá sem ekki vita hvað það þýðir...erum orðin rooosa heit fyrir bílaskiptum, kallinum langar í sjervolett lasettí en mig langar í skoda oktavíu steisjón 4x4....æ þetta kemur í ljós....miklu síðar...

Later

Nýir staðir..

2005-04-27T02:40:00.000-07:00

Fór í aldeilis skemmtilegan göngutúr í gærkvöldi. Með í för var góð vinkona mín, innfæddur Keflvíkingur. Við löbbuðum rosa hring og allt götur og staði sem ég vissi ekki einu sinni að væru til. Greinilegt að mín þarf að víkka hjá sér sjóndeildarhringinn þarna í Keflavíkinni.
Maður gleymir alveg stund og stað þegar maður er með góðan félagsskap í för og endaði litli göngutúrinn í klukkutíma hreyfingu. Alveg frábært!

Langar að óska Guggudýrinu til hamingju með daginn, hún lengi lifi húrra húrra húrra húrraaaa!

Sótti boðskortin úr prentun í gær. Komu betur út heldur en ég þorði að vona og þá er bara að fara að skrifa á þau og gera þau klár til útlandanna og já til hinna líka. Ekki ráð nema í tíma sé tekið því það styttist óðfluga í þetta. Ég fékk loksins tilboð frá kokkinum sem mig langaði að hafa og búin að bíða lengi eftir. Pabbi minn, eigum við ekki bara að tala við hinn, hah?!? Þetta var mikið meira heldur en ég bjóst við eiginlega alveg ca 100 þús kelli meira!!!! og þá er það orðið of dýrt. Reyndar er munurinn sem mér finnst alveg toppurinn að ég þarf ekki að hafa neinar áhyggjur. Hann sér um allt og kemur með allt þessi kokkur, ég þarf ekki að svitna yfir neinu þennan dag. Hinn aftur á móti eldar kemur matnum fyrir í hitakassa og einhverjir þurfa að sjá um að koma kassanum í salinn og skera hann á föt og svona....Oh ég veit ekki....ég ætlaði ekki að fara á hausinn við þetta en ef ég tek tilboðinu þá fer budgettið þokkalega skyhigh....
Nei ég held að við svitnum bara aðeins og tökum hinn.....! Nú þarf ég bara að komast á fund og hitta hann, segja honum MÍNAR hugmyndir en ekki það sem sumir halda að séu mínar hugmyndir :) þeir skilja þetta sem eiga að skilja....!

Annars er bara fátt sem hefur drifið á daga kellunnar. Vorverkin að byrja, færa tré og bera áburð á grasið og svona....svo það er líklegast besta að rífa sig upp á jassgatinu og hendast í þetta, það gerir sig ekki sjálft svo mikið er víst...spurning hvort það verði pallur þetta árið :/

Later

Það er að bresta á...

2005-04-25T03:39:00.000-07:00

ég finn það nálgast hægt og hægt.....get ekki bent á hvað það er... :/
Ókyrrðin magnast og pirringurinn verður meiri og meiri.....bara ég gæti fundið út hvað þetta er....
*GISP* ó nei hún er komin....hún er byrjuð og ég sem var ekki tilbúin, ekki búin að undirbúa mig neitt.....já kæru vinir, ég er að tala um GOLFVERTÍÐINA......dumdumdumduuuummmm!!!!!
Hið "frábæra" sport sem eiginmaðurinn tilvonandi stundar af miklu kappi hvert vor og langt fram eftir árinu......*andvarp* Á þessum bæ verður líklega lítið gert af því sem liggur fyrir, það er svo auðvelt að telja allt upp sem á og þarf að gera og svo hringir síminn....öllu hent frá sér og kallað á leiðinni út í bíl:"Ég er farin í gooollllf". Þetta er víst svona á fleiri bæjum heldur en mínum, á sumum eru reyndar allir sem stunda þetta og segja þetta vera hina bestu hreyfingu og útiveru...RRRIIIGGGHHHTTT! Göngutúr sem maður þarf endalaust að vera að stoppa í, svo er kjaftað og boltinn sleginnn og beðið eftir að allir klári. Sem betur fer hef ég ekki fundið fyrir því að þurfa að stunda þetta, finnst ég eiginlega vera of ung.....en ekki segir mannsefnið mitt sem reynir í sífellu að fá mig út með strákunum á völlinn, þú hefur gott af göngunni, hrmf. Mín á þetta fína sett í bílskúrnum og ég hef heyrt að því líði mjööög vel þarna úti í horni. En neeehhh ég held ekki :)

Fór í rosapartý á laugardagskvöldi. Frænka míns heittelskaða varð 30 og bauð til heljarinnar veislu. Þar var samankomið helsta þotulið bæjarins og það var ekki laust við að maður finndi til hálfgerðar minnimáttarkenndar yfir því að vera mjúkur í holdafari og í sínum klassísku svörtu buxum bol og gallajakka. Fyrrverandi Ungfrúr Ísland og þekktir fasteignasalar ásamt klassalið af Skjá einum.....omg ég var næstum búin að snúa við í hurðinni þegar ég sá boðsgestina. En um leið og hvítvínið flæddi þá gleymdi mín stund og stað ehehe...

Bara skemmtileg vika framundan myndi ég segja. Kjarnakvennahittingur í kvöld og smá trít á morgun hjá minns. Ó já ekki má gleyma aðaldæminu, við hættum að hugsa okkur um í gær og pöntuðum loksins fargjaldið til Lúx. Hlakka geðveikt til enda aaaalltof langt síðan ég sá hana Elsu mína síðast!!!

Later

Allt hægt í Ameríkuhrepp....

2005-04-22T07:03:00.000-07:00

Lögga á klóinu skaut óvart mann

Tvö skot hlupu úr byssu lögreglumanns á frívakt er hann hneppti niður um sig buxunum til að fara á klósettið og slösuðu mann.

Lögreglumaðurinn, Caig Clancy, var á bílauppboði í San Antonio í Texas þegar hann þurfti að skvetta úr skinnsokknum, en þegar hann girti frá féll byssan úr hulstrinu og Clancy reyndi að grípa hana en þá vildi ekki betur til en svo að hann greip óvart um gikkinn og hleypti tvisvar af.
Frá þessu greinir Ananonva og hefur eftir KSAT-sjónvarpsstöðinni.

Fyrri kúlan rispaði fótlegginn á manni sem var að þvo sér um hendurnar. Hann var fluttur á sjúkrahús.

Þessi færsla var í boði www.mbl.is

Adios amigo

2005-04-20T04:30:00.000-07:00

og vona þú komir ekkert á næstunni, leiðindavetur...!!!!

Sumarið á næsta leyti og allt verður betra, vonandi....Ég held ég hafi ekki upplifað jafn ömurlegan vetur og þennan. Auðvitað gerðist margt skemmtilegt og gleðilegt líka, en það er dýpra á þær minningar virðist vera heldur en hinar þessar leiðinlegu og sorglegu. Helsta gleðiefni vetrarins var að sjálfsögðu Ungverjalandsferðin góða með Kvennakór Suðurnesja, hún var frábær. Kynntist góðum vinkonum mínum ennþá betur og þau sambönd urðu betri fyrir vikið. Annað gleðiefni var hann Brynjar, litli bróðirinn....enn einn gæinn í strákahóp systra minna. Litli krúttuköggullinn sem er alveg sama hvað maður hnoðast mikið með hann, hann brosir alltaf, nema kannski þegar systir hans er að reyna að vera góð við hann eða þegar hann er tosaður úr lið mmuuhahahahha....hann fær aldrei að gleyma því kallinn!
Ekki skemmtileguefnin ætla ég ekki einu sinni að ræða..!!!

Tókum rosa stóra ákvörðun í síðustu viku sem er að bresta á. Hættum við að selja húsið okkar og ætlum bara að ráðast í breytingar. Þetta verður ábyggilega fjör. Breyta og bæta og laga og setja parket og flísar og ég veit ekki hvað og hvað...ótrúúúlega spennandi..! Það á eftir að kosta hellings pening og hellings þolinmæði. Úff þetta verður eitthvað....best að byrja á sem minnstu fyrr en eftir brúðkaup, kannski í sumarfríinu....

Við fréttum í gærkvöldi að nágrannakonan okkar ætti að leggjast undir hnífinn í dag. Það fannst ber í öðru brjóstinu og þeir ætla að fjarlægja það. Þeir vita ekki hvort það er illkynja eða ekki og það var í stærra lagi svo það verður tekið. Það kemur svo í ljós hvort hún fær að fara heim fljótlega eður ei. Æ ég vona vona að allt gang vel hjá henni og vona vona að þetta sé ekki illkynja. Ný hætt að vinna og getur loksins farið að lifa lífinu með kallinum.......!
Þið hugsið til hennar Öldu minnar, heimurinn væri fátækari ef hennar nyti ekki við.....

Sumarkveðjur úr kuldanum í Hafnarfirðinum.....

Allt að smella

2005-04-17T11:36:00.000-07:00

Hæ hæ allir nær og fjær.

Helgin búin að vera undirlögð í brúðkaupsundirbúningi. Var í fríi á föstudaginn og var hann notaður í boðskortastúss og skreytingaleit. Fann fullt af dóti sem gæti hjálpað mér að útfæra hugmyndirnar. Stóra sys kom svo í heimsókn í gær og við lögðum á borð með sinnhvorn litinn í huga. Annar var gjörsamlega útúr kú svo það var snarlega hætt við hann. Enda held ég að ég sé bara miklu miklu sáttari við þennan sem á endanum varð fyrir valinu. Nú þarf bara að finna réttu servétturnar sem fara vel við allt hitt...omg hvað ég er eitthvað orðin pjöttuð...þar sem maður er að gera þetta fyrir sjálfan sig þá verður þetta að vera svona fullkomið, greinilega! Ég kem sjálfri mér sífellt á óvart. Hitti skólasystur mína og vinkonu úr fjölbraut í Garðheimum. Mikið gaman að sjá hana og ég alveg gleymdi stund og stað og kjaftaði frá mér allt vit :) enda ekki á hverjum degi sem maður rekst á gamla skólafélaga.

Á stuttum tíma hef ég fundið "báða jakkana" sem mig langaði í. Skrapp í nýja verslun ZikZak í Kef í gær. Ruddist í gegnum óveðrið út í búð, slagveðursrigning og hífandi rok, hélt helst ég myndi bara hreinlega enda niður á DUUS en sem betur fer slapp ég inn á réttum stað. Ekki tók nú betra við. Alveg greinilegt að allar konur Reykjanesbæjar höfðu fengið sömu hugmynd og ég enda var maður gjörsamlega eins og sardína í dós þarna inni. Ég skundaði beint að rekkanum sem hafði að geyma gallajakkann sem ég hafði augastað á og viti menn...ég fann þann rétta!!!! Mín þorði nú ekki annað en að halda fast í hann meðan annað skoðað. Verslaði svo einar buxur líka og þá er ég seif í sumarfílinginn. Í nýja gallajakkanum og með flauelsjakkann í hinum skápnum. Eyðslan hélt áfram í dag, sunnudag. Nennti ekki að vera skilin ein eftir heima, again, meðan minn heittelskaði eyðir dögunum í parketlögn hjá Sparifrænda. Systurnar skunduðu í Smárlindos og þar rauk heldur betur úr vísa kortinu....nnnneeehhh nú er ég aðeins að ýkja. Nei ég keypti smá....skoðaði fullt og lét mig dreyma um restina.....
Bara augnaloksstund þangað til Skandinavíufararnir skríða heima eftir mjög svo vel heppnaða ferð......
Verðum í bandi síðar.....

Ég hélt í fullri alvöru

2005-04-12T01:52:00.000-07:00

að lífi mínu væri lokið í morgunsárið.
Ég var á mínum daglega rúnti á Brautinni, sönglandi með útvarpinu og alveg að fíla sólina sem skein í augun á mér. Allt í einu sé ég hvað allir bílarnir á undan mér hendast þvers og krus á veginum og bremsuljós kvikna hjá öllum. Einhver hálfvita Pallivareinníheiminum tók upp á því að negla niður og stoppa, lulla sér svo út í kant og sitja bara þar, gott ef að síminn var ekki við eyrun á honum......JESÚ MINN...
Mér brá svo ég skelf ennþá. Sem betur fer var enginn að koma á móti strollunni því þá hefði farið ennþá verr. En já semsagt ég hefði þokkalega klessukeyrt bílinn minn og straujað niður skrjóðinn á undan mér svo lítið hefði verið eftir af honum, þetta er sko ekkert grín að negla svona niður á yfir 100 km hraða. En ABS er toppurinn, allavegna eftir þessa óskemmtilegu en mjög svo vekjandi reynslu......!

En allavegna alles gutes á mínum bæ. Skruppum í bæinn í skreytingaleiðangur en því miður komu fáar hugmyndir úr þeirri ferð :( Af Völusteini var lítið að græða, nokkrar að mínum hugmyndum sem væri hægt að útfæra en ekkert svo spes liturinn sem ég sá miðað við það sem ég hafði hugsað mér. Vodd a hedeik.....omg
Þarf að fara aftur í aðrar verslanir og fara fyrr af stað til að ná öllum stöðum.
Helgin fór bara í algjört afslappelsi. Snemma að sofa og góður matur kokkaður og jú ma og pa kíktu á sunnudeginum. Það var nú bara kósý að fá þau enda ekkert svo stutt síðan þau komu síðast *blikkblikk*
Langaði að láta ákveðna manneskju vita að ég fer alveg að panta seðlana, spurning um að drífa í því áður en verðið hækkar ennþá meira....dagsetningin óbreytt og við getum ekki beðið eftir að hitta ykkur...!!!!! Alveg hræðilegt að geta ekki droppað lengur í kaffi þegar mann er í Borginni. En þið fáið ábyggilega nóg af okkur þegar við loksins förum heim híhí....og já ég er alveg að fara að fjárfesta í headphonesetti svo ég geti kjaftað og nágranninn sloppið við að borga símtölin þín :)

Auf Widersehen og við verðum í bandi......

Hvernig er hægt...

2005-04-07T03:39:00.000-07:00

...að missa 18 kg án þess að taka eftir því :) Óska vinkonu minni iiiinnilega til hamingju með virkilega góðan árangur burt séð frá því að hún tók ekkert eftir því. Tinna mín þú ert algjör perla... :) og keep up the good work girl.
Ég er officially orðin ljóska :/ ég fékk svo svakalega ljósar strípur þarna um daginn en mér finnst það bara cool. Reyndar verður öðrum lit blandað við seinna til að fá hinn fullkomna brúðarlit (hvernig sem hann lítur út, en maður verður víst bara að hlýða meistaranum) það verður spennandi að sjá útkomuna á honum. Þegar aðeins 2 og hálfur mán eru í brúðkaup er allt að smella saman að því er virðist. Ekkert komið upp á yet og ég ætla að storma um helgina í skreytingaleiðangur. En það er svolítill höfuðverkur sem ég bara ætla ekki að losna við.

Annars svífur enginn andi yfir vötnum í dag :( Ég veit hreinlega ekki hvað varð um hann.
Só smell you later.....

Bleísableísa númanúma jei, númanúma jei, númanúmanúma jei....
Þetta er sérstaklega fyrir Huldukonuna ehehhe

"Er ég ekki sæt?!?"

2005-04-04T02:04:00.000-07:00

Var frasi helgarinnar, tja allavegana laugardagsins.
Við systurnar skunduðum í brúðarkjólamátun nr. 2 og höfðum bara gaman af. Ég var miklu ánægðari með kjólinn minn núna heldur en síðast þegar ég mátaði hann. Var að hugsa um að skipta en svo tímdi ég því ekki, ó þetta er svoo gaman. Skruppum svo í Smáralindos og fengum okkur smá snarl og smá búðarráp. Ekki oft sem við systur getum eytt deginum bara 3 saman, engin börn og engir kallar :) Við næstum því áttum Smáralindina því við vorum svo snemma þar að það voru bara örfáar hræður mættar á svæðið og það var bara fínt. Verður gaman að sjá myndirnar sem Stóra sys tók í mátuninni.......eins gott að minn heittelskaði komist ekki í vélina :)

Fengum fréttir á laugardeginum frá vini okkar, sem við áttum svosem alveg von á, en þegar þær loksins komu þá kom það frekar illa við okkur :( Við vorum bæði frekar hissa á viðbrögðum okkar en okkur tókst að halda andlitinu fyrir vininn. Sem betur fer því hann átti erfitt með að segja okkur þetta. Auðvitað gleðjumst við með þeim, en, þetta verður samt skrýtið :)

Jæja, bara ágætis vika framundan held ég ..... ohh yeeess fer í strípur á morgun, thank god, orðin eins og algjör lúða, eða eins og hmm..... :)

Smell you later....

Oh so true...

2005-03-31T05:01:00.000-08:00

Smile, though your heart is aching
Smile, even though it's breaking
When there are clouds
in the sky
You'll get by...
If you smile With your fear and sorrow
Smile and maybe tomorrow
You'll find that life is still worthwhile
If you just...
Light up your face with gladness
Hide every trace of sadness
Although a tear may be ever so near
That's the time you must keep on trying
Smile, what's the use of crying
You'll find that life is still worthwhile
If you just...
That's the time you must keep on trying
Smile, what's the use of crying
You'll find that life is still worthwhile
If you just smile

Oh boy, this is the life

2005-03-29T00:43:00.000-08:00

*GGEEEEIIISSSPPPP*
Þetta var þvílíkt afslappelsi þessa páskana. Ég meira að segja nennti ekki að setja inn fréttir þó svo að pabbi hafi nú leyft okkur netsjúku systrum að kíkja í tölvuna í Stöðinni. Það var mikið borðað, alltof mikið eiginlega....ég er ennþá södd og þarf líklega ekki meira í bili. Potturinn var ofnotaður, smá byrjunarörðuleikar fyrst eftir þrifin á honum en svo bara notalegt. Æðislegt veður, en fór kannski ekki mikið fyrir göngutúrum nema helst hjá litla frænda og mínum heittelskaða. Gerðum hið fræga HUMMUS, bara gott..nammi namm...kannski svoldið of mikið, en, það er í góðu lagi, gátum allavegana deilt því út :)
Sturtan hans pabba stóð algjörlega uppúr þessa helgina. Maður á ekki að setja nuddið á þegar potturinn er hálftómur. Þá bara verður maður blautur og allt í kringum mann blautt, munið það :) :) :)

Ó já svo var það fermingin á Skírdag. Rosalega fínt og allt svo gott, fólkið átti ekki til orð að hún systir MÍN gæti töfrað fram slíkar kræsingar en þetta gat hún með góðra vina hjálp og glæsilegheitum, húrra fyrir því. Fermingardrengurinn var glaður og sætur hef aldrei séð hann svona fínann, fékk fullt af pökkum og fannst allt bara alveg æðislegt. Gott mál!
Mágkona mín og hennar fam kíktu í heimsókn frá Danaveldi um páskana og það var bara gaman af því. Strumpurinn orðinn ekkert smá stór enda alveg að verða 5 ára og verður stóri bróðir í kringum afmælið sitt í júní. Bumban alveg út um allt á lítilli og grannri konu en hún lítur bara vel út, já báðar bumban og mágkonan.
Vonandi að vikan leggist vel í ykkur...það styttist í helgina hehehe

Later....

Bloggletingi

2005-03-23T01:13:00.000-08:00

Sælt verið fólkið...!

Já sannkallaður bloggletingi er ég, hvurslaggx, best að bæta úr þessu. Allt ágætt í fréttum og bestu fréttirnar þær að einungis nokkrir klst í páskafrí. Ekki ætti ég að kvarta búin að vera í smá tíma í burtu, vinna 3 daga og aftur í frí. Ef enginn hefur tekið eftir því að þá er páskafríið í ár lengra heldur en jólafríið síðast! Ekki leiðinlegt sko.
Annars ætla ég að leggja land undir fót um páskana og smella mér í sveitasæluna í Steingrímsstöð þar sem pabbi verður á vakt um páskana. Vona að elskuleg systir mín og sonur komi á skikkanlegum tíma svo við getum mallað okkur hið fræga HUMMUS sem hún lumar á. Ekki er svo verra að hafa með sér nokkra eplasídera og rauðvín í pottinn...ummm já ég sé fyrir mér algjört afslappelsi og letilíf í nokkra daga. Mamma jú auðvitað hjálpa ég til við uppvaskið ehehhe...
En fyrst áður en við gerum þetta allt verður fermingin hjá litla frænda. Á morgun verður hann stór, segja sumir. Hann er búinn að fá flotta klippingu og strípur og allt. Algjör gæi og ég hlakka ýkt til að sjá hann á morgun, verður ábyggilega rosa fínn og flottur.

Ó já ég er með aðrar fréttir. Hún Sessý Idolgúrú ætlar að syngja í brúðkaupinu okkar!!! Looksins fékk ég einhvern sem ég absolútlí langaði að hlusta á í kirkjunni. Mér líst bara alveg þokkalega vel á þetta! En mig vantar kokkinn ennþá :/ Ekki alveg nógu gott sko, eins og góður maður stakk upp á um daginn að hafa veisluna bara eftir kvöldmat svo allir geti farið bara í pulsuvagninn og komið svo til okkar í rauðvín og hvítvín, ekkert annað í boði hehehe...

Aldrei að vita nema við systur fáum að stelast í vinnutölvuna hjá pa, þá kannski lætur maður inn fréttir af sveitasælunni....

Gleðikona í háska, huhh, ó sorrý, nei GLEÐILEGA PÁSKA .....

Vegurinn svo sannarlega óútreiknanlegur

2005-03-16T07:09:00.000-08:00

I´m alive, rétt svo.

Búnir að vera mjög skrýtnir og drungalegir dagar síðan síðast. Líkaminn á góðri leið en sálin á niðurleið svo ekki sé annað sagt. En eins og einhver góður maður sagði þá læknar tíminn öll sár og ég hef heyrt þessa setningu oft síðustu dagana. Fór kannski ekki alveg á þá leið sem maður hefði óskað sér, en maðurinn er bara lítið peð í þessari veröld og ekki okkar að ákveða hverjir lifa og hverjir ekki, það er sá sem öllu ræður sem stjórnar því. En ég trúi því að litli engillinn okkar sé á góðum stað og eigi sér betra líf þar heldur en hjá okkur fyrst hann þurfti að kveðja. Það er bara að detta ekki af baki, nýtt æfingatímabil um það bil að hefjast og það kemur í ljós hversu langt það verður í þetta skiptið :)
Nóttina þegar ég lá ein og hugsaði um tilganginn með þessu öllu saman heyrði ég lag sem ég hef eins og svo margir sungið með þegar það hljómar án þess að gefa orðunum neinn sérstakan gaum. Textinn jú fínn og lagið gott. Í þessu stóra og hljóða herbergi lá litla ég og saknaði míns heittelskaða og litla engilsins ótrúlega, þegar þetta byrjaði að hljóma og ég sá veröldina í öðru ljósi. Ég hef ekki losnað við það úr hausnum síðan.
Það er svona:

Að flýja veruleikann ekki er til neins.
Í fylgsnum hjartans finn ég svarið undir eins.
Mín hamingja fólgin er
í því að þú ert hjá mér
þessa nótt
og það sem eftir er.

Ég vildi geta stöðvað tímann hér og nú.
Innrammað stundina, því staðreyndin er sú
að allt sem ég þrái mest,
allt sem að mér er mikilsvert
er hér.

Hvort heldur dagar eða nætur.
Hvort heldur gleði eða þrætur.
Veistu að
ég mun elska þig.
Alltaf þú hefur mig.
Alltaf veistu hvar ég er.

Er vindar blása áttu var í örmum mér.
Eins þegar sólin skín, ég dvelja vil með þér.
Er húmar, ég vanga þinn
vil finna ljúft við minn.

Hvort heldur dagar eða nætur...
(Stefán Hilmarsson)

Þannig er nú það.....

Til lítils engils

2005-03-07T12:21:00.000-08:00

Mamma, ekki gráta mig, ég veit þú saknar mín.

Mig langar að vera hjá þér og þerra tárin þín.

Ég fékk aldrei að sjá þig og blíðu brosin þín,

Guð vantaði lítinn engil og kallaði mig til sín.

Segðu pabba að ég elsk´ann því pabbi á líka bágt,

faðmaðu hann fyrir mig og hvíslaðu ofurlágt.

Segð´onum frá stjörnunni sem á himnum skærast skín,

kennd´onum að þekkja hana því hún er stjarnan mín.

Núna áttu lítinn engil sem vakir yfir þér,

ég passa líka pabba, segðu honum það frá mér.

Það eru hér svo margir sem þykir vænt um mig,

fjöldi fallegra engla sem gæta mín fyrir þig.

Tendraðu lítið kertaljós til að lýsa þér til mín,

láttu á leiðið mitt hvíta rós, það læknar sárin þín.

Þegar sorgarinnar skuggi dvín, þá muntu minnast mín

og tár þín verða gleðitár því ég verð ávallt þín.

Þannig er nú gangurinn

2005-03-03T11:25:00.000-08:00

Í gær gladdist ég en var jafnframt svo sorgmædd. Hún Fríða okkar kom loksins að sækja hann Helga sinn. Löngu tímabært fannst mér, sorglegt þegar fólk þarf að þjást. Hann hefði átt að fá að fara á sama hátt og hún, bara sofna. En honum hefur verið ætlað eitthvað meira en það. Ég gleðst yfir því að loksins eru þau saman á ný eins og það hefur alltaf verið og það ríkir ábyggilega mikil gleði í himnaríki núna. Gott að vita af ykkur saman :)

Maður hefur varla snúið sér við og þá er barasta komin helgi. En þá verður gaman því stóra sys og sonurinn ætla að heimsækja okkur á laugardaginn og kúra hjá okkur yfir nótt. Litli frændi er að keppa í körfubolta hér um helgina og það var óskin hans að mega kúra hér með mömmunni sinni og auðvitað er minns svo góður að leyfa það. Það er alltaf svo gaman að fá gesti.

Brillundirbúningurinn gengur, hægt, en gengur engu að síður. Enn er tónlistarfólkið að svara mér ekki og kokkurinn hefur ekki haft samband aftur, ég veit ekki hvar þetta endar. En ég er róleg, ennþá það er að segja. Ýmsir hlutir sem verið er að reyna að troða upp á mig en ég stend fast á mínu og afþakka, það eru víst við sem ætlum að ganga í hjónaband ekki aðrir sem gerðu það fyrir löngu síðan og hana nú! Grimmhildur þarf að fara að brýna hnífana og klærnar, sýna sitt rétta eðli og þá kannski fær hún frið við það sem hún vill gera sjálf :)

Eigið góða helgi kæru vinir..............

Árshátíð..

2005-03-01T01:42:00.000-08:00

..heppnaðist alveg bara hreint frábærlega. Eitthvað heyrði maður um það að það hafi verið sett Íslandsmet í fjölda gesta á árshátíð. Í Egilshöll voru samankomnir hvorki fleiri né færri en 1800 manns, það var borðað hálft tonn af kjöti, 3500 kartöflur og 1000 lítrar af léttvíni. Enda var þetta bara alveg brill, Örn Árnason var brill og Paparnir voru brillbrill. Ég skemmti mér alveg konunglega í góðra vina hópi.

Ó ekki má gleyma..hún á afmæli í dag hún á afmæli í dag hún á afmæli hún Frænkukrútt (Inga að springa) hún á afmæli í dag...til hamingju með árin 25, lifðu í ljósi en ekki í fjósi hehehe.

Annars lítið gert um helgina. Jú, heil miklar fréttir, það var gert við bílinn minn og hann er alveg eins og engill núna, ekkert vesen og ekki neitt...!!! og ég er ossa glöð núna, þá kannski tórir greyið eitthvað áfram :) Ma og pa og stóra sys og sonurinn kíktu svo og tendó líka og þá var bara slegið í vöfflur með rjóma og alles. Rosa gott og allir fóru saddir heim :)

Kíktum í heimsókn á sunnudagskvöldið og þar var lítill maður í svefnmeðferð. Hann grenjaði eins og ljón að mega ekki vera frammi þegar hann heyrði í gestunum. Nísti mitt litla hjarta að heyra blessað barnið gráta svona sárt, en á endanum sofnaði litli gæinn og þá var hægt að tala saman hehehe. Maður bara sárvorkennir foreldrunum að þurfa að gera þetta kvöld eftir kvöld þangað til að hann lærir að mann á að fara að sofa fyrir klukkan 12.

Alveg sprungin, veit ekkert meir svo ég segi bara amen eftir efninu og við heyrumst síðar...

Habbla ha....

2005-02-25T01:34:00.000-08:00

Roosalega var þessi vika fljót að líða. Maður má varla depla auga þá er bara kominn nýr dagur og það flöskudagurinn góði. MMM þetta er æðislegt. Það var alveg frábært að keyra í bæinn í morgun, sólin að koma upp á móti mér og tunglið að setjast í baksýnisspeglinum (kannski ekki í speglinum, en í þeirri myndlíkingu skil jú) . Svei mér þá ef þessi fallegi morgun hefur ekki bara lyft sálartetrinu upp í hæstu hæðir, alla vegana er lundin léttari heldur en hún var í gær :)

Ó ekki má gleyma: Hún á afmæli í dag hún á afmæli í dag hún á afmæli hún JANA...hún á afmæl í dag............ hipp hipp hurrei..... ó það verður gaman að stinga inn nefinu í kvöld og kíkja á kelluna, ennþá skemmtilegra fyrst tvíburabróðirinn ógurlegi ákvað að hún væri ekki nógu fín fyrir hann og yfirgaf kotið. Knús og kossar lubbinn minn :*

Bílinn minn hefur verið úrskurðaður furðuverk ársins. En hann er ennþá að stríða og ekki nóg með það heldur eru allir bifvélavirkjar sem við leitum ráða hjá jafn tómir og við. Hann er víst ekki með rétta byggingu í húddinu miðað við sömu tegundir af bílum og því veit enginn hvar kertin eru og þaðan af síður finnst vatnslásinn svo hægt sé að skipta um hann..svo er hann með þversumvél (dónt esk mín sko) en ekki langsumvél...Ég er alvarlega farin að halda að hann sé hreinlega andsetinn og sá sem situr með mér á hverjum degi sé bara orðinn svona hrikalega leiður á mér að hann gerir mér allt til miska. Svo skreppa minn heittelskaði og tengdó í bíltúr og þá er bíllinn ljúfur sem lamb. Maður getur orðið sár þó maður felli ekki tár :(

Annars er held ég bara góð helgi framundan. Árshátíð bankans á morgun í Egilshöll og þar verða væntanlega hlátrasköll undir veislustjórn Arnar Árnasonar og tekin nokkur spor undir tónum Papana, sé einhvern veginn ekki fyrir mér að koma snemma heim :/

Hef a næs víkend lúv..

Later

Þankagangur

2005-02-21T00:44:00.000-08:00

Helgin var bara fín hjá mér þrátt fyrir allt.

Ég fór með stóru systur á laugardaginn í kjólaleiðangur og skemmst frá því að segja að það er búið að velja og panta "The" kjólinn! Alveg geðveikt flottur og ég held að þetta eigi eftir að koma vel út þó svo að mér hafi fundist þetta hálf fáránlegt að vera að þessu :) Látlaus og fallegur...megum ekki vekja of mikla athygli á okkur skoh hehehe....kíktum svo í Kringluna þar sem við hittum hina systurina og kíktum á Café Bleu og í nokkrar búðir.

Minn heittelskaði vakti mig í gærmorgun voða sætur og sagðist ætla að bjóða mér í ferð í Bláa Lónið eftir hádegið. Umm ekki lítið spennt sko, en svo strax á eftir fylgdi, má ég fyrst fara í golf með strákunum hehehe hvernig var hægt að neita því þegar svona trít kæmi eftir á. Við hringdum í ma og pa og stóru sys og soninn og annan frænda og það var stormað til Grindjánavíkur. Mikið rooosalega var þetta ljúft maður. Alveg stilla í Lóninu og þoka yfir öllu, ef ég hefði haft gleraugun meðferðist hefði maður séð hvað leyndist í þokunni :) Svo komu allir heim og tveimur kjúllum "a la pabbi" stungið í ofninn...meeenn hvað þetta var kósý, enda var ég alveg rotuð í nótt maður, hjúkket hvað ég svaf vel.

Samantekt: Ekki hægt að segja annað en að allt hafi endað vel bara :) og allt fallið í ljúfa löð eftir stormasama byrjun....

Later...

Leti í bænum..

2005-02-18T00:42:00.000-08:00

Ég er eitthvað svo löt við að skrifa þessa dagana, alveg ferleg. Ekki eins og maður hafi neitt að gera í vinnunni sko, en dauður tími núna. Hmm hvar á ég að byrja. Jú, get líst gleði minni yfir að snjórinn skuli vera farinn. Ég hélt ég kæmist ekki í bæinn í vonda veðrinu á miðvikudaginn. Úff púff, ég sá bara ekki rass í bala, en komst á endanum. Voða kúl, allir að segja hva ertu komin, við erum að bíða eftir að þú hringi og segist ekki koma í vinnunna, mín bara eheheee það þarf nú meira en þetta til að stoppa mig alveg svoleis með hjartað í buxunum. Eeen ég var ekkert að segja þeim það!
Stór dagur á morgun :) ég er geðveikt spennt, en ég segi frá því síðar.....ætla að skondrast með systur minni á einn ákveðinn stað í Kópavoginum...tengist tveimur hjörtum :Þ

Tendapabbi minn tilvonandi á afmæli í dag, óska honum til hamingju með það og gamall skólafélagi úr Grímsnesinu á morgun, hamingju með það. Annars veit ég nú um gleðskap um helgina í Grafningnum....sendi ástar og saknaðarkveðjur til stúlknanna...gengur betur næst! Vona ég fái að heyra ferðasöguna við tækifæri.

Bíllinn er ennþá að stríða okkur :( ef hann fer ekki að haga sér betur er ansi hætt við því að hann verði bara settur á sölu og eitt stykki nýr verslaður í staðinn. AAhhh já, ég myndi alveg vera sátt við það, en þá vandast málið, hvaða tegund kaupum við næst? Svo mikið er víst að það verður líklega ekki draumabíllinn :( Eitt stykki Ford Escape, þeink jú verí næs. Borga, ehh tekurðu vísa ehehhehe....nei fjárfestum bara í einhverju sem kemur okkur á milli staða og ekki spillir að plássið sé gott...það verður að vera hægt að stinga allavegana 4 golfsettum í skottið annars blívar það ekki.

Jæja elskurnar mínar...hafið góða helgi, hvar sem þið verðið.....

Loksins..

2005-02-15T01:30:00.000-08:00

..fór snjórinn. Ekki svo mjög mikið leiðinlegt :)

Helgin fór ekki í eins mikið afslappelsi og ég hefði viljað :( Gamla settið mitt var hjá okkur um helgina en það var bara rosa fínt. Þeir fóru að golfast í herminum og við ma sátum bara heima á spjallinu og sjónvarpsglápi. Svo var hent í bananabrauð á laugardeginum og bollur á sunnudeginum.
Við fengum vin okkar til að sýna okkur sal sem við höfðum haft augastað á fyrir brúðkaupsveisluna okkar. Hann var svona líka æðislegur að við alveg kolféllum fyrir honum og hann var pantaður á staðnum. Svo hafði ég samband við kokkinn í gær og við ætlum að hittast á morgun. Nú er stefnan bara tekin á kjólaleiðangur og það verður ábyggilega ekki leiðinlegt :)
Ótrúlegt hvað það er stutt í þetta maður, ekki nema rúmir 4 mán eftir og mér finnst ég sáralítið búin að gera. Ég fæ kannski einhverjar hugmyndir þegar brúðkaupssýningin verður í Smáralindinni eftir mánuð.
Grimmhildur er heldur betur farin að sýna klærnar núna. Lenti í orðaskaki við samstarfsmann minn síðasta föstudag um hana Ylfu í Idolinu. Hún bókstaflega hélt því fram í opið geðið á mér að hún ætti enga framtíð fyrir sér í einu eða neinu þar sem hún væri svo rosalega FEIT!!!!!!!!!! Litla ég sem segir aldrei neitt missti alveg stjórnina og hellti sér yfir hana. Á engri stund tókst mér að romsa útúr mér fullt af nöfnum af þykku og frægu fólki sem hefur gert fullt af góðum hlutum.........aarrrggg hvað er að þessu fólki sem ég vinn með. Svo kom þessi sama voða smeðjuleg til mín í gær og sagði:" Ég verð nú heldur betur að éta ofan í mig það sem ég sagði á föstudaginn Gurrý mín." Bitchið ég bara já já þú mátt sko gera það, ég veit ekki hvað þú heldur að þú sért. Mmmmuuhahahaahha, ég hafði rosalega gaman að dásama Ylfu og Davíð því ég veit að hún þooolir þau ekki.
Þannig er nú það....alltaf fjör í kringum svona ótrúlega fúlt og leiðinlegt fólk...
Stundum þegar maður hittir svona fólk sem er fullt af fáfræði og fordómum þá bara hreinlega getur maður ekki haldið sér saman! Þá getur maður virkilega sagt eitthvað sem maður sér svo eftir en nei, ekki í þessu tilviki.

Sí jú, gúbbæ

Snjór, snjór, snjóóóór...

2005-02-10T02:07:00.000-08:00

Á bara að snjóa mann í kaf? Ég hef ekki séð svona mikinn snjó í Kebblavík síðan ég man ekki hvenær. Öss öss, það var bara pína að troðast út á braut í morgun...en það hafðist.
Öskudagurinn var nú ekkert svo skemmtilegur. Það verður langt að bíða þangað til Bjarnastaðarbeljurnar hætta að hljóma í hausnum á mér. En gaman að sjá frumlegheitin hjá krökkunum. Best fannst mér 5 strákar málaðir eins og hljómsveitin KISS og svo sungu þeir Lick it up...omg ég bilaðist úr hlátri!
Urðum að hætta að gefa nammi rétt eftir hádegi vegna fáránleika eins samstarfsfélaga míns sem þoli þetta ekki lengur og kvartaði yfir því að Grimmhildur (en það er ég í þessu tilviki) neitaði að taka þetta eingöngu á mína deild innan útibúsins...það er nammigeferíið....ég hélt að það ættu allir jafnt og hinir að láta syngja fyrir sig og stóð fast á mínu. En nei, hún vildi að hún og hinir fulltrúarnir fengju frið til að vinna og við ættum að sjá um þetta kerarnir...!!! Bullið í sumu fólki. Svo uppskar maður bara fýlu í allan gærdag fyrir vikið frá þessari einu manneskju. Ég hef bara eitt að segja við svona fólk sem er komið á fullorðinsaldurinn - GROW UP!!!!!

AAAAhhh svo er bara helgin framundan það verður sko ljúf. Erum boðin í mat til Elsunnar minnar, ekki seinna vænna, svona rétt áður en þau flytja að heimsækja þau. Skötuhjúin hafa ákveðið að setjast að í Lúxemburg ásamt ungum syni sínum. En sem betur fer hefur Icelandexpress ákveðið að fær sig út fyrir London og Köben þannig að það verður ekki flókið að fljúga út til þeirra. Annars bara letilíf framundan *geisp*

Later.......

Saltkjöt og baunir, túkall

2005-02-08T01:51:00.000-08:00

Helgin fór í eitthvað algjört bull...keyrsla fram og til baka á Reykjanesbrautinni. Fórum í bæinn á lördag í leit að vinnuskóm á smiðinn. Ekkert til....algjörlega óskiljanlegt! Fórum allar helstu búðir bæjarins og ekkert til. Ein fýluferðin enn. Fórum bara til ma og pa og eyddum deginum þar í góðu yfirlæti. Sunnudaginn var brunað aftur á brautina og núna skunduðum við í bollukaffi. Fullt af fólki og FUUUULLLT af bollum. Að maður skuli gera sér þetta, það er eins og með jólin, æ þetta er bara einu sinni á ári. Svo í fyrramálið vakna allir alveg eins og þeir hafi verið kýldir á bæði augun, bólgnir og sætir eftir saltkjötsátið.
Annars er bara lítið að frétta. Góð vinkona mín átti stúlkubarn í gærmorgun. Til hamingju með það kæra fjölskylda. Hún verður falleg eins og foreldrarnir og stóri bróðir hennar.
Nú er bara að hella sér í brill undirbúning. Búið að biðja um hönd brúðarinnar og þá er ekkert að vanbúnaði en að klára dæmið til enda
Ég þakka gott hljóð :)

Later

Held það væri ráðlegt.........

2005-02-04T01:55:00.000-08:00

....að hugsa um að skipta um bíl!

Fór í vinnuna í gær eins og vanalega. Allt gekk rosa vel þangað til ég var komin í Kúagerði á Reykjanesbrautinni, allt í einu kólnaði í bílnum og hitamælirinn fór alveg niður í núll bara rétt eins og ég hefði verið að setja hann í gang. Minni náttla dauðbrá en hélt ró sinni. Það var svo ekki fyrr en ég fór að nálgast álverið að hann fór að hitna aftur. Jæja ollæt, fegin að hafa komist í vinnuna. Svo er mér sagt að í vinnunni að það logi stefnuljósið hægra megin, bara stöðugt, ekkert blikk eða neitt, ég alveg pollróleg, hefur komið fyrir einu sinni áður og svo slokknaði það eftir smá stund. Ég kíkti ca 4x út yfir daginn og alltaf logaði helv....úbbs passa málfarið, blessað ljósið semsagt logaði allan daginn. Í milli tíðinni lét ég minn heittelskaða vita og hann hringdi í tengdapabba sem bannaði mér að hreyfa bílinn. Tja, nú voru góð ráð dýr. En mamma reddaði mér og sótti mig í Hafnarfjörðinn. Ekkert reyndist nú vera að bílnum þegar þeir feðgar höfðu skoðað hann rækilega annað en það að "blessað" ljósið gerði það að verkum að bíllinn var rafmagnslaus. Oh, þvílíkt vesen maður, svo var hann eins og klukka í morgun...ekkert að honum en það á nú eftir að koma í ljós.
Ekki svo gamall bíll, 7 ára, en kannski þegar maður keyrir ca 80 km á dag að þá gæti eitthvað svona farið að segja til sín :/

Komst því ekki í spinning og þaðan af síður á tónleikana í Duushúsum með sígunahljómsveitinni sem ég var mjöööög spennt fyrir :(
Vona þið eigið góða helgi elskurnar mínar, ég ætla nú bara að slappa af í Keflavíkinni.....kannski mann kíki í borgina á sunnudaginn, hver veit

Later

Mánudagur....

2005-01-31T06:40:00.000-08:00

Omg hvað það ætti bara að banna þennan dag......
ég hélt ég myndi ekki meika það í bæinn, leiðindaveður og ég ennþá með stírurnar svoleiðis pikkfasta í augunum. En þetta hafðist, nú er bara að klára daginn og koma sér heim aftur.
Já ég er ekkert allof hress og spræk í dag eins og glöggir lesendur hafa kannski verið búnir að átta sig á :)
Helgin var nú bara ekkert viðburðarík, ég fékk nokkrar vinkonur mínar í heimsókn á laugardaginn í smá hitting og það var nú bara voða næs. Það var dáldið sukkað í súkkulaðikökum og þess háttar en með smá hollustu inn á milli (fullt af grænmeti, sósa búin til úr 14% sýrðum rjóma og púrrulaukssúpu nammi namm) . Skruppum svo í vöfflukaffi til mömmu í gær, klipum aðeins minnstu fjölskyldumeðlimina og vorum svo í kvöldmat hjá ma líka....
Minn heittelskaði létt gera við hjólið sitt svo núna þarf hann ekki lengur að labba alla leiðina í vinnuna....ánægð með hann! Agalegt að þurfa að láta greyið hjóla, hann er nú alveg nógu mjór, en ég held að hann hverfi bráðum ef ég fæ ekki vinnu í Kef fljótlega...

Elsku Janus, takk fyrir hjálpina, ég vona vona vona að þetta dugi til að koma síðurassinum í gagnið....þetta er alveg búið að vera óþolandi..

Later...

Bömmer...

2005-01-29T15:21:00.000-08:00

OOOOHHHHH ég er svooo svekkt!!! Ég talaði við Regínu Ósk í fyrradag um að koma og syngja hjá okkur í kirkjunni og hún var með undirleikara með sér sem gæti verið organisti líka og það ekki af verri endanum, Pálmi Sigurhjartar-Sniglabandsgúrú....oorrggg og hún er akkúrat að syngja í brúðkaup á sama tíma og mitt :( Loksins þegar það var einhver glæta að fá þann sem maður vildi sjálfur. Aftur á byrjunarreit semsagt..... Fór í jóga í gær. Roooosalega gott maður....ég alveg svoleiðis steinsofnaði og var svo grútmygluð þegar ljósin voru kveikt aftur. Það sem maður er endurnærður eftir þessa tíma. Talaði elsku stærri systur mína í gær. Við vorum að tala um fermingar. Mér finnst svo ótrúlegt að hann litli frændi minn, sem er nú ekkert svo lítill lengur, fermist núna um páskana. Eins og það séu rétt 2 ár síðan ég hélt á honum undir skírn, rosalega hlýt ég að vera orðin gömul fyrst hann er orðin 13 bráðum 14 ára.... Leiter

Tónlistarmenn

2005-01-24T05:12:00.000-08:00

Hæ...

Má til með að deila með ykkur hugrenningum mínum um íslenskt tónlistarfólk.
Fyrir þá sem ekki vita ætlum við hjónaleysin að staðfesta sambúð okkar fyrir Guði og mönnum í sumar. Ég er semsé á fullu að undirbúa og allt það. Ég er með nokkra tónlistarmenn í huga og hef verið í sambandi við eina mjööög góða söngkonu, en það er ekki útséð með það hvort hún geti tekið þetta að sér. Þannig að ég hef sett mig í samband við bæði Guðbjörgu Magnúsd. og Friðrik Ómar. Kannski er ég svona vitlaus ég veit það ekki en þau virðast hafa nóg að gera allavegna hefur engum af þeim tölvupóstskeytum sem ég hef sent þeim verið svarað :/
Verð að viðurkenna að ég er dálítið fúl yfir þessu sérstaklega þar sem betri helmingurinn heyrði Friðrik Ómar syngja á jólahlaðborði sem við fórum á og af fyrrabragði talaði um að fá hann til að syngja ef söngspíran ég vil skyldi klikka. Urr urr...ég sé það alveg fyrir mér að ég enda eins og hið týpíska BRÚÐARTRUTT sem lýst er svo ógurlega inni á www.brudkaupsvefur.is.

Eníveis, elsku dúllur. Ef þið þekkið til söngmanna sem þið vitið að hljómi vel má alveg láta mig vita, ég er alveg komin í þrot og veit ekkert hvert ég á að snúa mér eða hverja ég á að velja í staðinn. Nei satt best að segja hélt ég að svona listamenn myndu aldrei slá hendinni á móti góðu tímakaupi í hálftíma....en svona getur maður verið vitlaus... :/

Spinning í kvöld, verður gott að fá smá útrás fyrir leiðinlegan vinnudag....

Gúbbæ....

Helgarstiklur

2005-01-23T13:11:00.000-08:00

Ég ákvað nú að vera sæt og góð við bóndann minn tilvonandi á föstudaginn. Ákvað að ég ætlaði að búa til pizzu handa honum. Voða sæt...byrjaði ekkert voða vel, botninn fór í eitthvað bölvað bull svo mér var hætt að lítast á blikuna og hugsaði mér jafnvel að henda honum bara og hringja á Domino´s og panta eitt stykki. En jæja, gef þessu einn séns sagði ég með sjálfri mér og hún smakkaðist svona glimmrandi, var alveg farin að halda að ég væri búin að missa tötsið í pizzubotnagerð. Svo var rúsínan í pylsuendanum - NUDD!! Mín að fara að gera allt reddí fyrir nuddið fyrir bóndann þá skiptir hann um sjónvarpsstöð og það var eins og við manninn mælt, haldiði ekki bara að minn hafi afþakkað nuddið og vildi frekar horfa á BRUCE WILLIS - DÆ HARD...!!!! úbbossí..verðiþéraðgóðugjössovel! Svo ég fór bara inn að sofa og hann skemmti sér konunglega yfir Brúsa kallinum...

Laugardagur - barnaamfæli..

Systursonur minn hann Gunnar varð 9 ára á föstudaginn og það var haldin heljarinnar veisla á laugardaginn. Það var nú bara alveg ágætt. Í afmælisgjafaleiðangrinum kíkti ég í ICEINABUCKET og keypti litlar sætar teyjur í litla þunna hárið á skottunni minni, systur afmælisbarnsins...það á að venja hana við það en ekki illa tætta strákagreiðslu, reyna að gera hana að dömu, ekki seinna en vænna skvísan ný orðin tveggja ára :) Merkilegt nokk ég mátti setja í hana tíkó og alltaf þegar teyjurnar "runnu" úr hárinu var hlaupið, Gúúððíí vittu laga Gubbjögg...þannig að þetta er nú allt í áttina hjá stelpurassgatinu..

Kíktum svo til vinahjóna okkar og þau elduðu þessa dýrindis pizzu, nota bene, 2.í pizzu...

Sunnudagur - tiltektardagurin ógurlegi!!!

Já það var ryksugað og skúrað og allt tekið í gegn..NOT..varð einhvernveginn ekkert úr deginum nema þvottahrúgan á rúminu okkar stækkaði allsvakalega, ég hélt ég yrði aldrei búin að ganga frá, merkilegt hvað það þarf að þrífa mikið eftir tvær hræður :/

Góðar stundir....!

Þrýstingurinn...

2005-01-21T01:28:00.000-08:00

Sælt veri fólkið.....!

Ég hef ákveðið að láta undan þrýstingi ákveðins aðila, hann veit hver hann er!

Eníhú..hér æ em...

Hvað er svo í fréttum?
Bara mest lítið...mikið djöf..(jábbs, passa blótið) mikið rooosalega var erfitt að halda sér vakandi á brautinni maður..úff púff...ljúfir tónar Létt 96.7 fengu að fjúka fyrir leiðindablaðri í Ingu Lind í Íslandi í bítið. Það er nú meira hvað hún þarf alltaf að tala mikið..innihaldslaust blaður...ekki sú skenntilegasta, sérstaklega þegar maður er drullusybbinn. Þetta hafðist allt saman og ég kom illa frosin inn í bankann minn. Janus þetta eru eplin sem valda kuldanum mmuuhahahaha.....

Ég held ég hafi aldrei verið jafn andlaus á ævi minni....!

Hef þetta bara stutt í dag....